प्रहरी निरीक्षकमाथि बन्चरो प्रहार

सुरक्षा-अपराध

गृहपृष्ठ
सुरक्षा-अपराध
प्रहरी निरीक्षकमाथि बन्चरो प्रहार

प्रहरी निरीक्षकमाथि बन्चरो प्रहार

शुक्रबार, भदौ ८, २०८० बागेश्वरी पोस्ट

झापा । नेपाल प्रहरीका एक जना प्रहरी निरीक्षक (इन्स्पेक्टर) माथि मापसे गरेका युवकहरुद्वारा बन्चरो प्रहार भएको छ ।

झापास्थित इलाका प्रहरी कार्यालय झिलझिलेका इन्स्पेक्टर युवराज कटवालमाथि आक्रमण भएको झापा प्रहरीले जनाएको छ ।

शिवसताक्षी नगरपालिका-९ स्थित याङयास्थित राजमार्ग सुरक्षामा खटिएर चेकजाँचका क्रममा मदिरा सेवन गरेर मोटरसाइकलमा आएका तीन जनाको समूहमा रहेका युवाहरुलाई रोक्न खोज्दा उनीहरुले इन्स्पेक्टर कटवालमाथि बन्चरो प्रहार गरेका हुन् । बन्चरो प्रहारबाट कटवालको टाउकोमा चोट लागेको छ ।

इन्स्पेक्टर कटवाल नेतृत्वको टोलीले राजमार्गमा उनीहरुलाई रोक्न खोज्दा बन्चरो प्रहार गरेको जिल्ला प्रहरी झापाले जनाएको छ ।

घाइते भएका इन्स्पेक्टर कटुवालको बिर्तामोडस्थित विएन्डसी अस्पतालमा उपचार भइरहेको झापा प्रहरीले जनाएको छ ।

प्रहरीले आक्रमणकारीलाई नियन्त्रणमा लिएर अनुसन्धान गरिरहेको जानकारी दिएको छ ।

प्रकाशित मिति: शुक्रबार, भदौ ८, २०८० ०८:३२