मतदान केन्द्र नजिकै बन्दुकसहित हिँडिरहेको अवस्थामा एक जना पक्राउ

सुरक्षा-अपराध

गृहपृष्ठ
सुरक्षा-अपराध
मतदान केन्द्र नजिकै बन्दुकसहित हिँडिरहेको अवस्थामा एक जना पक्राउ

मतदान केन्द्र नजिकै बन्दुकसहित हिँडिरहेको अवस्थामा एक जना पक्राउ

बुधबार, वैशाख २८, २०७९ बागेश्वरी पोस्ट

नेपालगन्ज । मतदान केन्द्र नजिकबाट बन्दुकसहित एक जनालाई प्रहरीले पक्राउ गरेको छ। रुकुम पूर्वको पुथाउत्तरगङ्गा गाउँपालिकामा एक जना व्यक्ति अवैध भरुवा बन्दुकसहित पक्राउ परेका हुन् ।

जिल्लाको पुथाउत्तरगङ्गा गाउँपालिका १४ पोबाङबाट एकनाले भरुवा बन्दुकसहित सोही ठाउँकै चन्द्रबहादुर कामीलाई पक्राउ गरेको जिल्ला प्रहरी कार्यालय रुकुम पूर्वले जानकारी दिएको छ ।

कामीलाई १४ नं वडास्थित सिद्धमण्डली मावि राङ्सी मतदान केन्द्रको २०० मिटर टाढाबाट नियन्त्रणमा लिइएको जिल्ला प्रहरी प्रमुख प्रहरी नायब उपरीक्षक प्रकाश डाँगीले जानकारी दिए । मङ्गलबार पक्राउ परेको कामीलाई रुकुमकोट ल्याइएको छ ।

निर्वाचनको मुखैमा मतदान केन्द्र नजिकै भएर अवैध बन्दुकसहित हिँडिरहेको अवस्थामा नियन्त्रणमा लिइएको हो । पक्राउ परेका कामीसँग घटनाबारे थप अनुसन्धान भइरहेको जिल्ला प्रहरी कार्यालय रुकुम पूर्वले जानकारी दिएको छ ।

प्रकाशित मिति: बुधबार, वैशाख २८, २०७९, ०९:३४:००