लखन थापा स्मृति कप फुटबलको तयारी पूरा

खेलकुद

Home
खेलकुद
लखन थापा स्मृति कप फुटबलको तयारी पूरा

लखन थापा स्मृति कप फुटबलको तयारी पूरा

उद्घाटन खेलमा युनाइटेड र बिजौरी एफसी भिड्ने

शनिवार, फाल्गुन १, २०७७ लक्ष्मण बस्नेत

दाङ । प्रजातान्त्रिक आन्दोलनका प्रथम सहिद लखन थापा स्मृति कप फुटबल प्रतियोगिता २०७७ भोलि आईतवारदेखि सुरु हुदैछ।

नेपाल मगर युवा संघ तुलसीपुरको आयोजना तथा नेपाल मगर संघ तुलसीपुर नगर कमिटी र नेपाल मगर संघ जिल्ला कमिटी दाङको संयुक्त ब्यबस्थापनमा दाङ तुलसीपुर अरनिको मैदानमा संचालन हुने प्रतियोगिताको उद्घाटन प्रदेश न ५ का सामाजिक बिकास तथा खेलकुद मन्त्री सुदर्शन बराल मगरले गर्ने कार्यक्रम रहेको छ।

जहानिया राणा शासनका विरुद्ध नेपाली जनताको मुक्तिका लागि बिद्रोह गर्ने क्रममा १९३३ साल फागुन २ गतेका दिन सहादत प्राप्त गरेका थापाको स्मृती दिवसका अबसरमा प्रतियोगीताको आयोजना गरिएको हो। यसैबिच आयोजकले प्रतियोगिताको सम्पुर्ण तयारी कार्य पूरा भएको जानकारी दिएको छ। शनिवार अरनिको खेल मैदान स्थलमा पत्रकार सम्मेलनको आयोजना गरि प्रतियोगिताको सम्पुर्ण तयारी कार्य पूरा भएको जानकारी दिएको हो ।

प्रतियोगिता संचालन मुल समितीका संयोजक घनश्याम पुनको अध्यक्षतामा भएको पत्रकार सम्मेलनमा प्रतियोगितालाई भब्य एवं सभ्य र बिबाद रहित बनाउन आफूहरु लागि परेको जानकारी दिईएको थियो। स्थानिय स्तरमा फुटबल खेलको पहुँच अभिवृद्धि गर्ने र आपसी भाईचारा कायम राख्ने उदेश्यका साथ आयोजना गरिएको प्रतियोगिताको उद्घाटन खेलमा युनाईटेड युथ क्लब तुलसिपुर र बिजौरी फुटबल क्लब भिड्नेछन्।

खेल दिउँसो २ बजे हुने प्रतियोगिता प्राबिधिक उपसमितिका संयोजक ईन्द्र पुनले जानकारी दिनु भएको छ। बिश्वब्यापी रुपमा फैलिएको कोरोना भाईरसका कारण ठप्प बनेको स्थानिय स्तरको खेल गतिबिधी लाई चलाएमान बनाउन सुरक्षा सम्बन्धित सम्पुर्ण मापदण्ड अपनाउदै आयोजना गरिएको प्रतियोगिताको बिजेता टिमले नगद १ लाख तथा कप,मेडल,प्रमाणपत्र हात पार्नेछ।

त्यस्तै उपबिजेता र तृतीय स्थान हासिल गर्ने टिमले क्रमशः ५० र २० हजार नगद,मेडल तथा प्रमाणपत्र हात पार्नेछन्। प्रतियोगितामा जिल्लाका २४ टिमको सहभागिता रहेको छ।

प्रकाशित मिति: शनिवार, फाल्गुन १, २०७७, ०६:२०:००

प्रतिक्रिया दिनुहोस्