एसियन सेन्ट्रल जोन भलिबलको च्याम्पियन बन्यो नेपाल

खेलकुद

गृहपृष्ठ
खेलकुद
एसियन सेन्ट्रल जोन भलिबलको च्याम्पियन बन्यो नेपाल

एसियन सेन्ट्रल जोन भलिबलको च्याम्पियन बन्यो नेपाल

मंगलबार, पुस १३, २०७८ बागेश्वरी पोस्ट

नेपालगन्ज । नेपाल बङलादेशमा जारी एसियन सेन्ट्रल जोन भलिबलको च्याम्पियन बनेको छ ।नेपालले उज्वेकिस्तानलाई पराजित गर्दै नेपाली महिला भलिबल टोलीले उपाधी कब्जा गरेको हो ।आज बिहान भएको फाइनल खेलमा नेपालले उज्वेकिस्तानलाई ३-२ को सेटमा पराजित गर्दै नेपाल एसियन सेन्ट्रल जोन भलिबलको च्याम्पियन बनेको हो ।

नेपाल पहिलो सेटमा २६-२४ ले जितेको थियो भने दोस्रो सेटम उज्वेकिस्तानसँग नेपालले गुमायो । दोस्रो सेटमा उज्वेकिस्तान नेपालसँग २६-२४ ले नै विजयी बन्यो ।

त्यस्तै तेस्रो सेटमा नेपाल २५-१५ ले विजयी हुन सफल भयो । चौथो सेटमा फेरि उज्वेकिस्तानले नेपाललाई २४-२२ ले हराउँदै खेल २-२ को बराबरीमा ल्यायो । नेपालले निर्णायक पाँचौ सेट १५-१० ले जित्दै च्याम्पियन बन्न सफल भयो ।

नेपालले यसअघि बंगलादेश, माल्दिभ्स, श्रीलंका र उज्वेकिस्तान र किर्गिस्तानलाई पराजित गरेको थियो । फाइनल यात्रा तय गरेको उज्वेकिस्तानलाई नेपालले आज पराजित गर्दै विजयी च्याम्पियन बनेको हो ।

प्रकाशित मिति: मंगलबार, पुस १३, २०७८ १५:१६