ट्राफिक प्रहरी जोशीको हवल्दारमा बढुवा

समाचार

गृहपृष्ठ
समाचार
ट्राफिक प्रहरी जोशीको हवल्दारमा बढुवा

ट्राफिक प्रहरी जोशीको हवल्दारमा बढुवा

शनिबार, साउन १७, २०७७ बागेश्वरी पोस्ट

नेपालगन्ज । ट्राफिक प्रहरीमा एउटा छुट्टै पहिचान बनाएका पश्चिमली ठिटो दुर्गादत्त जोशी काम कर्तव्यलाई सबैभन्दा महत्त्व दिने संगठनप्रतिको एक बफादार सिपाही हुनुहुन्छ । उहाँलाई प्रहरी प्रधान कार्यालयले जवान पदबाट प्रहरी हवल्दार पदमा बढुवा गरेको छ ।

ट्राफिक जोशीलाई आज जिल्ला प्रहरी कार्यालय बर्दियाका प्रमुख प्रहरी उपरिक्षक केदार रजौरेले एक कार्यक्रमका बीच दर्ज्यानी चिन्हद्वारा सुशोभन गर्नुभएको छ ।

उक्त अवसरमा रजौरेले पदोन्नति भएका प्रहरी हवल्दार जोशीलाई बधाई तथा शुभकामना दिँदै पदोन्नति बृत्ति विकासको महत्वपूर्ण पाटोकोरुपमा रहेको तथा जेष्ठता, कार्यक्षमता, कार्यक्षेत्रमा प्रदर्शन गरेको व्यवसायिकता, अनुशासन र इमान्दारिताको मूल्यांकन गर्दै पदोन्नति गरिएको बताउनुभयो ।

उहाँले अनुशासन तथा इमान्दारिता फौजीको सबैभन्दा ठूलो गहना रहेको चर्चा गर्दै आफ्नो जिम्मेवारीमा रहेर कार्यक्षेत्रमा उत्तरदायित्व वहन गरी आगामी दिनमा अझै परिस्कृत हुँदै राष्ट्र र नागरिकको सेवा, सुरक्षा र ट्राफिक व्यवस्थापन कार्यमा सकृय रहन निर्देशन समेत दिनुभयो ।

काठमाण्डौ, पोखरा, नेपालगन्ज र बर्दियामा ट्राफिक प्रहरीमा बसिसकेका जोशीले संगठनमा इमान्दार प्रहरीको छवि बनाउनुभएको छ ।

प्रकाशित मिति: शनिबार, साउन १७, २०७७ १७:११

प्रतिक्रिया दिनुहोस्