बर्दियामा सशस्त्र प्रहरीद्वारा लाखौं रुपैयाँ बराबरको अवैध सामाग्री बरामद

देश

Home
देश
बर्दियामा सशस्त्र प्रहरीद्वारा लाखौं रुपैयाँ बराबरको अवैध सामाग्री बरामद

बर्दियामा सशस्त्र प्रहरीद्वारा लाखौं रुपैयाँ बराबरको अवैध सामाग्री बरामद

शुक्रवार, आश्विन ३०, २०७७ बागेश्वरी पोस्ट

बर्दिया । बर्दियामा सशस्त्र प्रहरीका उपरीक्षक नर बहादुर रावत आएदेखि तस्करहरुको भागमभाग हुँदै आएको छ।

एसपी रावतले तस्करसग कुनै पनि हालतमा सम्झौता नगरी तस्करलाई ठोक्ने उदेश्यका साथ अघि बढेपछि बर्दियाका तस्कर दुलो भित्र पस्दै आएका छन् । तर पनि कतिपय तस्करहरुले सशस्त्र प्रहरीलाई वास्ता नगरी भारतबाट अवैध सामाग्री ल्याए पनि सशस्त्र प्रहरीले सामाग्री बरामद गरेको छ। यहि क्रममा बर्दियामा सशस्त्र प्रहरीले भारतबाट आउदै गरेको लाखौ रुपैयाँ बराबरको अवैध सामाग्री बरामद गरेको छ।

सशस्त्र बल नेपाल नम्बर ३१ गण हे.क्वा. बर्दिया तथा मातहत कार्यालयबाट खटि गएको गस्ति टोलीले शुक्रबार विभिन्न स्थानबाट भारतबाट ल्याउदै गरिएका अवैध सामाग्री बरामद गरेको सशस्त्र प्रहरी उपरीक्षक नर बहादुर रावतले बताउनुभयो। सशस्त्र प्रहरी उपरीक्षक रावतका अनुसार शुक्रवार दिउँसो बरामद गरिएका सामाग्रीमा खसी, प्याज, सुपरपावर सुर्ती, साइकल, सागुनका काठ रहेका छन् ।

बरामद गरिएका अवैध सामाग्रीका मुल्य १ लाख २ हजार १९५ रुपैयाँ रहेको सश!प्रहरी उपरीक्षक रावतले बताउनुभयो। बरामद गरि अवैध सामाग्रीलाई आवश्यक कारवाहीको लागी क्रमश भन्सार तथा बन कार्यालयमा बुझाईएको रावतले बताउनुभयो।

प्रकाशित मिति: शुक्रवार, आश्विन ३०, २०७७, ११:१०:००