बाँकेमा नमुना मतदान

आम निर्वाचन-२०७९

गृहपृष्ठ
आम निर्वाचन-२०७९
बाँकेमा नमुना मतदान

बाँकेमा नमुना मतदान

बिहीबार, कात्तिक १७, २०७९ गौरब गिरी

नेपालगञ्ज । मंसिर ४ गते हुने प्रतिनिधिसभा तथा प्रदेशसभा निर्वाचनका लागि बाँकेमा नमुना मतदान भइरहेको छ ।

जिल्ला निर्वाचन कार्यालय बाँकेले सञ्चालन गरेको नमुना मतदान कार्यक्रम २१ गतेसम्म चल्नेछ । नमुना मतदानमा मतदाता लाइनमा कसरी बस्ने, ज्येष्ठ नागरिकलाई मताधिकार प्रयोग गर्न कसरी दिने, मतदान गर्ने विधि लगायतका विषयमा जानकारी दिइने जिल्ला निर्वाचन कार्यालय बाँकेकी प्रमुख रमा पन्तले जानकारी दिइन् ।

नेपालगञ्ज उपमहानगरपालिका, कोहलपुर नगरपालिका, बैजनाथ गाउँपालिका, खजुरा गाउँपालिका, जानकी गाउँपालिका, डुडुवा गाउँपालिका, नरैनापुर गाउँपालिका र राप्तीसोनारी गाउँपालिकामा नमुना मतदान कार्यक्रम सञ्चालन गर्ने प्रमुख पन्तले जानकारी दिइन् ।

स्थानीय जनसहभागितामा नमुना मतदान अभ्यास तीन घण्टा र निर्वाचनका विषयमा एक घण्टा प्रस्तुतिकरण भएको निर्वाचन कार्यालयले जनाएको छ ।

१७ गते नरैनापुर, १८ गते राप्तीसोनारी, १९ गते डुडुवा र नेपालगञ्ज उपमहानगरपालिका, २० गते बैजानाथ र २१ गते कोहलपुर नगरपालिकामा एक घण्टा निर्वाचनसम्बन्धि प्रस्तुतिरकरण र तीन घण्टा नमुना मतदान अभ्यास हुनेछ ।

उनले यसपटकको निर्वाचनमा चार प्रकारका मतपत्र भएको जानकारी दिँदै प्रतिनिधिसभामा प्रत्यक्ष र समानुपातिकको दुई मतपत्र र प्रदेशसभामा प्रत्यक्ष र समानुपातिक तर्फको दुई मतपत्र रहेका छन् ।

नमुना मतदानमा मतपत्रमा देखिएको भिन्नता र त्यसमा कसरी मतदान गर्ने भन्ने विधि पनि सिकाइएको पन्तले बताइन् ।

प्रकाशित मिति: बिहीबार, कात्तिक १७, २०७९ १०:०१

प्रतिक्रिया दिनुहोस्