एशियाली देश विश्व विजेतामाथी हावी बन्दै, जापानले जर्मनीलाई २-१ ले हरायो

खेलकुद

गृहपृष्ठ
खेलकुद
एशियाली देश विश्व विजेतामाथी हावी बन्दै, जापानले जर्मनीलाई २-१ ले हरायो

एशियाली देश विश्व विजेतामाथी हावी बन्दै, जापानले जर्मनीलाई २-१ ले हरायो

बुधबार, मंसिर ७, २०७९ बागेश्वरी पोस्ट

नेपालगन्ज । कतार विश्वकपको उपाधिको दावेदार राष्ट्रहरु माथी एशियाली मुलुकहरुले धावा बोलेका छन् । मंगलबार साँझ अर्जेन्टिनामाथी धावा बोल्दै साउदी अरेबियाले पराजित गरे झै आज साँझ ६:४५ बजेको पहिलो खेलमा एशियाली मुलुक जापानले आफ्नो पहिलो खेलमै जर्मनीलाई पराजित गरेको छ । चार पटकको विश्वकप विजेता जर्मनीलाई समूह ई को समूह चरणको पहिलो खेलमै जापानले २-१ गोलले पराजित गर्दै ३ अंक बटुलेको छ ।

पहिलो हाफमा दुई तिहाइ भन्दा बढी बल पोसेसन राखेको जर्मनीले अग्रता लिन भने पेनाल्टीमा भर परेको थियो । इल्काए गुन्डोगनको पहिलो हाफको ३३ औं मिनेटमा पेनाल्टीमा अग्रता लिएको जर्मनीविरुद्ध अन्य अवसरमा भने जापानी गोलरक्षक बाधक बने । जापानले काउन्टर अट्याकमा जर्मन डिफेन्सलाई केहि समस्या दिएपनि गोलरक्षक नोएरले भने कुनै प्रहार सामना गर्नुपरेको थिएन । दोस्रो हाफमा खेलाडी परिवर्तन गरेपछि भने जापान खेलमा फर्केको थियो । आक्रमणमा ताकुमी मिनामिनो, रित्सु डोआन र ताकुमी असानो आएपछि जापानले प्राप्त काउन्टर अट्याकमा नोएरलाई पटक पटक समस्या दिएको थियो । जर्मनीको आक्रमणविरुद्ध गोलरक्षक गोन्डा लगातार चनाखो बस्दै बचाउ गर्दा जापानलाई पुनरागमनको ढोका खुलेको थियो ।

खेलको ७५ औं मिनेटमा जापानका रित्सु डोआनले ६ यार्ड बक्सनजिकबाट गोल गर्दै खेललाई १-१ बराबरीमा ल्याएका थिए ।

त्यस्तै जापानका ताकुमा असानोले ८३ औं मिनेटमा गोल गर्दै खेललाई २-१ मा पुर्याएका थिए । कोउ इताकुराले डिफेन्स लाइनबाट खेलेको लामो पासमा जर्मनीको अफसाइड ट्रयाप बिट गर्दै असानोले गोल गरेका थिए । उनले स्लोटरबेकको दबाब र नोएर अघि आएको अवस्थामा निअर पोस्टमा फिनिस गरेका थिए । यो जितसँगै जापानले ३ अंक जोडेको छ ।

प्रकाशित मिति: बुधबार, मंसिर ७, २०७९ २१:०९

प्रतिक्रिया दिनुहोस्