जर्मनी 'डु अर डाई' को संघारमा, स्पेनलाई नजिते घरको टिकट

खेलकुद

गृहपृष्ठ
खेलकुद
जर्मनी 'डु अर डाई' को संघारमा, स्पेनलाई नजिते घरको टिकट

जर्मनी 'डु अर डाई' को संघारमा, स्पेनलाई नजिते घरको टिकट

आइतबार, मंसिर ११, २०७९ बागेश्वरी पोस्ट

नेपालगन्ज । जर्मनी आज स्पेनको सामना गर्दैछ। स्पेनले आफ्नो पहिलो खेलमा कोस्टारीकालाई ७-० को गोलको बर्षा गर्दै विजयी बनेको थियो । स्पेनले अफ्नो यात्रा सुनिश्चित गर्ने प्रयासमा आज जर्मनीलाई पराजित गर्न पहिलो खेल भन्दा अझै राम्रो खेल्ने अनुमान गरिएको छ । जबकि जर्मनीले जापानसँग पहिलो दिनको हारपछि आज स्पेनलाई जित्नै पर्ने हुन्छ अन्यथा जर्मन खेलाडीहरुले जर्मनीको फिर्ती टिकट काटेर घर फर्कनेछन् ।

जर्मनीको जापानी टोलीसँगको हारले उनीहरूलाई लगातार दोस्रो विश्वकपको लागि पहिलो उडान समात्ने सम्भावनाको ढोका खोलेको छ । इल्के गुन्डोगान र म्यानुअल नुएर जस्ता खेलाडीहरू खेलपछि ड्रेसिंग रूममा हारको बारेमा आफ्नो राय दिन हिचकिचाएनन् । स्ट्राइकर काई हाभर्ट्जले एक पत्रकार सम्मेलनमा हारपछि आफुलाई आक्रोशित बनाएको बताएका छन् ।

स्पेनले कोस्टारिकालाई ७-० गोलअन्तरले पराजित गर्दै विश्वकपमा आफ्नो सुरुवात गरेको हो । रोड्रिगो हर्नान्डेजले सेन्ट्रल डिफेन्समा निरन्तरता दिने क्रममा स्पेनका प्रशिक्षक लुइस एनरिकेले त्यही टोलीलाई कायम राख्ने छन्, तर, कहिलेकाहीं उनको टोली चयनको भविष्यवाणी गर्न गाह्रो हुन्छ । अल्भारो मोराटाले मार्को एसेन्सियोको लागि आक्रमण सुरु गर्नु वा पाउ टोरेस पनि केन्द्रीय डिफेन्समा आउनु कुनै आश्चर्यको कुरा होइन ।

स्पेनका लागि कोस्टारिकाविरुद्ध गोलको खाता खोलेका डानी ओल्मोआफ्नो टोलीले जर्मनीलाई हराउन सक्नेमा आशावादी छन् ।

“हामी कोस्टारिकाविरुद्ध जस्तै खेलको सशक्त सामना गर्नेछौं,” ओल्मोले भने, “जमाल मुसियाला सबैभन्दा ठूलो खतरा हो । उनी उत्कृष्ट फर्ममा छन् र उनको आत्मविश्वास उच्च छ र उनले खेल स्पेन-जर्मनीबीचको खेलमा नाटकीय जीत निकाल्नेमा थप जिम्मेवारी लिइरहेका छन् । तशर्थ आज राती १२:२५ बजेको खेलमा जर्मनीले जित्नै पर्ने दबाब हुन्छ नत्र उनीहरु केवल घर मात्र फर्किने छैनन्, संसारभर रहेका आफ्ना समर्थकरुलाई समेत निराशामा पार्नेछन् ।

प्रकाशित मिति: आइतबार, मंसिर ११, २०७९ १०:३८

प्रतिक्रिया दिनुहोस्