कतार विश्वकप:क्वाटरफाइनलमा अर्जेन्टिना र नेदरल्याण्ड्स

खेलकुद

गृहपृष्ठ
खेलकुद
कतार विश्वकप:क्वाटरफाइनलमा अर्जेन्टिना र नेदरल्याण्ड्स

कतार विश्वकप:क्वाटरफाइनलमा अर्जेन्टिना र नेदरल्याण्ड्स

आइतबार, मंसिर १८, २०७९ बागेश्वरी पोस्ट

नेपालगन्ज । कतारमा जारी फिफा विश्वकप फुटबल २०२२ अन्तर्गत अर्जेन्टिना क्वाटरफाइनलमा प्रवेश गरेको छ ।

कतारको अहमद विन अली रङ्गशालामा भएको अन्तिम १६ को खेलमा अर्जेन्टिनाले अष्ट्रेलियालाई २-१ गोल अन्तरले पराजित गर्दै क्वाटरफाइनलमा प्रवेश गरेको हो ।

अर्जेन्टिनाको जीतमा कप्तान लियोनल मेस्सीले खेलको ३५औं मिनेटमा गोल गर्दै अर्जेन्टिनालाई अग्रता दिलाए भने ५७औं मिनेटमा जुलियान अल्भारेजको गोलपछि अग्रता दोब्बर भयो ।

खेलको ७७औं मिनेटमा एन्जो फर्नान्डेजले गोल गर्दै अष्ट्रेलियालाई खेलमा फर्काउने प्रयास गरे पनि पर्याप्त हुन सकेन ।

प्रतियोगिताको क्वाटरफाइनलमा प्रवेश गर्ने अर्जेन्टिना दोस्रो टोली बनेको छ । यसअघि अन्तिम १६ को पहिलो खेलमा नेदरल्याण्ड्सले अमेरिकालाई पराजित गर्दै क्वाटरफाइनलमा प्रवेश गरिसकेको छ ।

क्वाटरफाइनलमा नेदरल्याण्ड्स र अर्जेन्टिनाबीच प्रतिस्पर्धा हुनेछ ।

प्रकाशित मिति: आइतबार, मंसिर १८, २०७९ ०७:२४

प्रतिक्रिया दिनुहोस्