कतार विश्वकप:क्वाटरफाइनलमा निकै रोमान्चक भिडन्त हुँदै

खेलकुद

गृहपृष्ठ
खेलकुद
कतार विश्वकप:क्वाटरफाइनलमा निकै रोमान्चक भिडन्त हुँदै

कतार विश्वकप:क्वाटरफाइनलमा निकै रोमान्चक भिडन्त हुँदै

बुधबार, मंसिर २१, २०७९ बागेश्वरी पोस्ट

नेपालगन्ज । कतार विश्वकप फुटबलको क्वाटरफाइनलमा निकै रोचक भिडन्त हुने भएको छ । सन् २०१० को विश्व विजेता स्पेनलाई गएरातीको प्रि-क्वाटरफाइनलमा हराउँदै पहिलो पटक मोरक्को क्वाटरफाइनलमा प्रवेश गरेको छ ।

यस्तै पोर्चुगलले स्विजरल्याण्डलाई पराजित गर्दै क्वाटरफाइनलमा गएको हो । उता यसअघिनै अर्जेन्टिना, नेडरल्याण्ड, इङ्ल्याण्ड, फ्रान्स, ब्राजिल र क्रोएसिया क्वाटरफाइनलमा प्रवेश गरिसकेका छन् ।

यस विश्वकपको क्वाटरफाइनल खेल निकै रोमान्चक हुने देखिएको छ । क्वाटरफाइनलमा अर्जेन्टिना र नेदरल्यान्डबिच हुने खेल झनै रोमान्चक हुनेछ । त्यस्तै विश्वकपका प्रवल दाबेदार युरोपका दुई महारथी इंल्याण्ड र फ्रान्स बिचको खेल झनै सनसनी हुने देखिएको छ ।

त्यस्तै फुटबलको महारथी दक्षिण अमेरिकी राष्ट्र ब्राजिल क्रोएसियासँग भिड्दैछ । शुक्रबार ब्राजिल र क्रोएसियाको पहिलो र शुक्रबार नै क्वाटरफाइनलको दोस्रो खेल अर्जेन्टिना र नेदरल्यान्डबिच हुनेछ । स्पेनलाई पराजित गर्दै पहिलोपटक क्वाटरफाइनलमा प्रवेश गरेको अफ़्रिकि राष्ट्र मोरक्कोले सन् २०२० को युरोकप च्याम्पियन पोर्चुगलको सामना गर्दैछ । मोरोक्कोले पोर्चुगललाई कडा टक्कर दिने फुटबल बिष्लेषकहरुको भनाई छ ।

त्यस्तै शनिबारको पहिलो खेल इंल्याण्ड र फ्रान्सबिच त पोर्चुगल र मोरक्को बिच हुनेछ। क्वाटरफाइलमा विजयी हुने चार राष्ट्र सेमिफाइनलमा प्रवेश गर्नेछन् । सेमिफाइनलमा ब्राजिल,अर्जेन्टिना,पोर्चुगल र इंल्याण्ड प्रवेश गर्ने सम्भावना बलियो देखिएको छ ।

प्रकाशित मिति: बुधबार, मंसिर २१, २०७९ ०९:१६

प्रतिक्रिया दिनुहोस्