के मेसीले एकसाथ जित्लान् विश्वकपसँगै गोल्डेन बल र गोल्डेन बुटको उपाधि ?

खेलकुद

गृहपृष्ठ
खेलकुद
के मेसीले एकसाथ जित्लान् विश्वकपसँगै गोल्डेन बल र गोल्डेन बुटको उपाधि ?

के मेसीले एकसाथ जित्लान् विश्वकपसँगै गोल्डेन बल र गोल्डेन बुटको उपाधि ?

शुक्रबार, पुस १, २०७९ बागेश्वरी पोस्ट

नेपालगञ्ज । के अर्जेन्टिनाका कप्तान लियोनल मेसीले कतारमा जारी फिफा विश्वकप २०२२ को विश्वकप उपाधिसँगै उत्कृष्ट खेलाडी (गोल्डेन बल) र सर्वाधिक गोलकर्ताको उपाधि (गोल्डेन बुट) जित्लान् ? के मेसीले इटलीका पाओलो रोसीको रेकर्ड बराबर गर्न सक्लान् ?

सन् १९८२ मा स्पेनमा आयोजित फिफा विश्वकपमा एकै संस्करणमा इटलीका पाओलो रोसीले विश्वकप उपाधिसँगै उत्कृष्ट खेलाडी र सर्वाधिक गोलकर्ताको अवार्ड जित्ने एक मात्र खेलाडी हुन् ।

त्यस्तै यसपटक अर्जेन्टिनाका कप्तान मेसीले रोसीको रेकर्ड तोड्न सक्ने अनुमान गरिएको छ। कतार विश्वकपको फाइनलमा पुगेको अर्जेन्टिनाले यसपटक विश्वकप उपाधि जित्न सक्ने प्रवल सम्भावना समेत रहेको छ । मेसी सर्वाधिक गोलकर्ताको सूचीमा समेत रहेकाले र उनको खेल कौशलका कारण उनले सबै उपाधि जित्ने अनुमान गरिएको छ ।

आफ्नो टोलीका लागि गरेको योगदान र खेल अवधिभर गरेको प्रदर्शनले मेसी नै गोल्डेन बलको पनि दावेदार छन् । विश्वकप फाइनल अघिका खेलहरुमा मेसीको ३ असिस्टका कारण अर्जेन्टिना विजयी बनेको थियो ।

मेसीको उत्कृष्ट प्रदर्शनका कारण यसपटक अर्जेन्टिनाले विश्वकप उपाधिसँगै सर्वाधिक गोलकर्ता र उत्कृष्ट खेलाडीको उपाधि जित्ने सम्भावना भएपनि फ्रान्सका केलियन एम्बाप्पे पनि मेसीसँगै समान ५/५ गोल गरेका छन् । तर, फाइनल खेल समाप्त भए पश्चात् दुबैको समान ५/५ गोल भएको खण्डमा र अन्य खेलाडीले उनीहरु भन्दा बढी गोल नगरेको अवस्थामा अर्जेन्टिनाका कप्तान नै सर्वाधिक गोलकर्ता हुने देखिएको छ ।

किनकी मेसीको धेरै असिस्टका कारण एम्बाप्पे सर्वाधिक गोलकर्ताबाट पछि पर्ने देखिएको छ । समान गोल भएपश्चात् खेलाडीले गरेको असिस्टलाई आधार मानेर सर्वाधिक गोलकर्ता चुनिन्छ । त्यो पनि बराबर भएको खण्डमा कम समयमा गोल गर्ने खेलाडीलाई आधार मान्ने हुँदा मेसीको नै प्रवल सम्भावना रहेको छ ।

आइतबार फाइनलमा उपाधिका लागि अर्जेन्टिना र फ्रान्स भिड्दैछन् । अर्जेन्टिना र फ्रान्सले समान २/२ पटक विश्वकपको उपाधि जितेर तेस्रो पटक उपाधि जित्ने दाउमा छन् । विश्वकपको तेस्रो स्थानका लागि सन् २०१८ को उपविजेता क्रोएसिया र पहिलोपटक सेमिफाइनलको यात्रा गरेको अफ्रिकी राष्ट्र मोरक्को शनिबार खेल्दैछन् । सेमिफाइनलमा अर्जेन्टिनाले क्रोएसियालाई ३-० र फ्रान्सले मोरक्कोलाई २-० गोलले पराजित गरेका थिए ।

प्रकाशित मिति: शुक्रबार, पुस १, २०७९ १३:०५

प्रतिक्रिया दिनुहोस्