जानकीमा भोलिदेखि शुरु हुने राष्ट्रपति रनिङ शिल्ड प्रतियोगिताको तयारी पूरा

खेलकुद

गृहपृष्ठ
खेलकुद
जानकीमा भोलिदेखि शुरु हुने राष्ट्रपति रनिङ शिल्ड प्रतियोगिताको तयारी पूरा

जानकीमा भोलिदेखि शुरु हुने राष्ट्रपति रनिङ शिल्ड प्रतियोगिताको तयारी पूरा

बुधबार, माघ १८, २०७९ बागेश्वरी पोस्ट

नेपालगञ्ज । बाँकेको जानकी गाउँपालिकामा भोलिदेखि शुरु हुन थालेको १५औं राष्ट्रपति रनिङ शिल्ड छनौट खेलकुद प्रतियोगिताको सम्पूर्ण तयारी पूरा भएको छ । शिक्षा शाखाको आयोजना र जानकी गाउपालिका बाँकेको आर्थिक सहयोगमा भोलिदेखि शुरु हुन थालेको १५औं राष्ट्रपति रनिङ शिल्ड छनौट तथा पाँचौ अध्यक्ष कप खेलकूद प्रतियोगिताको सम्पूर्ण तयारी पूरा भएको आयोजकले जनाएको छ ।

भोलि विहान ८ वजेदेखि छात्रछात्राहरुको मावि स्तरको भलिवल र कवड्डी खेल हुनेछ भने १५औं राष्ट्रपति रनिङ शिल्ड छनौट तथा पाँचौ अध्यक्ष कप खेलकुद प्रतियोगिताको ११ वजे हुने उद्वघाटनपछि प्रावि र निमावि स्तरको कुर्सी दौड र सय मिटर दौड हुने आयोजक शिक्षा शाखाकी प्रमुख कृष्णा कुमारी भण्डारीले जानकारी दिएकी छिन् । जानकी गाउँपालिकामा रहेका ४५ वटा विद्यालय मध्ये ३८ वटा विद्यालयले प्रतियागितामा भाग लिनको लागि आज नाम दर्ता गराएको भण्डारीले जानकारी दिइन् ।

प्रकाशित मिति: बुधबार, माघ १८, २०७९ २१:०४

प्रतिक्रिया दिनुहोस्