स्व. श्याम थापा स्मृति फुटबलः बागमति र खजुरा युनाइटेड विजयी

खेलकुद

गृहपृष्ठ
खेलकुद
स्व. श्याम थापा स्मृति फुटबलः बागमति र खजुरा युनाइटेड विजयी

स्व. श्याम थापा स्मृति फुटबलः बागमति र खजुरा युनाइटेड विजयी

आइतबार, माघ २२, २०७९ बागेश्वरी पोस्ट

नेपालगञ्ज । खजुरा गाउँपालिका वडा नं. १, सैनिकमा चलिरहेको स्व. श्याम थापा स्मृति फुटबल प्रतियोगितामा बागमति स्पोर्ट्स क्लव र खजुरा युनाइटेड विजयी भएका छन् । जय किसान स्पोर्ट्स क्लवले आयोजना गरेको प्रतियोगिताको आजको पहिलो खेलमा बागमति स्पोर्ट्स क्लवले एकतर्फी जीत निकालेको छ । बागमतिले जय किसान स्पोर्ट्स क्लव (बी) लाई ५–१ गोलले पराजित गरेको छ ।

खेलको १५ मिनेटमा अल्बिनसिंह ठकुरीको गोलले जय किसानले अग्रता लिएको थियो । गोल खाएको तीन मिनेटमै बागमतिले सुदी गुरुङको गोलबाट खेललाई बराबरीमा ल्याएको थियो । २६ मिनेटमा गुरुङकै गोलले बागमतिले अग्रता लियो । त्यसपछि बागमति अझ आक्रामक भएको थियो । ३५+२ मिनेटमा जनप्रकाश बम, ५६ मिनेटमा सुदिनसिंह विक्रम र ६० मिनेटमा विशाल श्रेष्ठले गोल गरेका थिए । दोस्रो खेलमा खजुरा युनाइटेडले सन्तकुटी स्पोर्ट्स क्लवलाई १–० गोलले पराजित गरेको छ । ७०+२ मिनेटमा प्रशान्त कुँवरले गरेको गोल नै निर्णायक भएको थियो ।

माघ २९ गते हुने सम्म सञ्चालन हुने प्रतियोगितामा नेपाल र भारतका गरी १३ टिमको सहभागिता रहेको छ । प्रतियोगिताको विजेताले १ लाख २१ हजार, उपविजेताले ६१ हजारसहित मेडल, प्रमाणपत्र र ट्रफी पाउने आयोजकले बताएका छन् । प्रतियोगिताको सर्वोत्कृष्ट खेलाडीले ६ हजार, सर्वाधिक गोलकर्ता र उत्कृष्ट गोलकिपरले जनही ५ हजार रुपैयाँ मेडल, प्रमाणपत्र पाउने आयोजक जय किसान स्पोर्ट्स क्लबले जनाएको छ । भोलि मोडेल क्लवविरुद्ध एफसी–११ बर्दिया र न्यू डाँफे स्पोर्ट्स क्लवविरुद्ध रारा जनचेतना युवा क्लवका बीचमा हुनेछ ।

प्रकाशित मिति: आइतबार, माघ २२, २०७९ २०:२८

प्रतिक्रिया दिनुहोस्