नागरिक उन्मुक्ति पार्टीले सुदूरपश्चिमका मुख्यमन्त्रीलाई विश्वाशको मत नदिने भएपछि बैठक स्थगित

राजनीति

गृहपृष्ठ
राजनीति
नागरिक उन्मुक्ति पार्टीले सुदूरपश्चिमका मुख्यमन्त्रीलाई विश्वाशको मत नदिने भएपछि बैठक स्थगित

नागरिक उन्मुक्ति पार्टीले सुदूरपश्चिमका मुख्यमन्त्रीलाई विश्वाशको मत नदिने भएपछि बैठक स्थगित

बुधबार, माघ २५, २०७९ बागेश्वरी पोस्ट

नेपालगन्ज । नागरिक उन्मुक्ति पार्टीले सुदूरपश्चिम प्रदेशका मुख्यमन्त्री राजेन्द्रसिंह रावललाई विश्वास मत नदिने बताएपछि सुदूरपश्चिम प्रदेश सभा बैठक स्थगित भएको छ ।

मुख्यमन्त्री राजेन्द्रसिंह रावलले विश्वासको मत लिने गरी दिउँसो १ बजेका लागि बोलाइएको प्रदेश सभा बैठक स्थगित भएको हो ।

भोलि दिउँसो १ बजे बस्ने गरी बैठक स्थगित भएको प्रदेश सभा सचिवालयले जनाएको छ । सचिवालयले सरकारको आग्रहमा बैठक स्थगित गरिएको जनाएको छ । २७ पुसमा मुख्यमन्त्री नियुक्त भएका रावलले आज विश्वासको मत लिने तयारी गरेका थिए ।

तर, मुख्यमन्त्रीमा नियुक्त हुँदा रावललाई समर्थन गरेको नागरिक उन्मुक्ति पार्टी विश्वासको मत दिने विषयमा अनिर्णित भएपछि प्रदेश सभा बैठक स्थगित भएको हो ।

५३ सदस्यीय सुदूरपश्चिम प्रदेससभामा मुख्यमन्त्रीमा नियुक्त हुन २७ प्रदेश सांसदको समर्थन जरूरी हुन्छ । रावल माओवादी केन्द्रका ११, एमालेका १०, नागरिक उन्मुक्ति पार्टीका ७ र राप्रपाका १ गरी २९ सांसदको समर्थनमा मुख्यमन्त्रीमा नियुक्त भएका थिए ।

प्रकाशित मिति: बुधबार, माघ २५, २०७९ १२:३६

प्रतिक्रिया दिनुहोस्