नेपालगञ्ज मेयर तथा उपमेयर कप क्रिकेटः फाल्कोन स्पोर्ट्स क्लब विजयी

खेलकुद

गृहपृष्ठ
खेलकुद
नेपालगञ्ज मेयर तथा उपमेयर कप क्रिकेटः फाल्कोन स्पोर्ट्स क्लब विजयी

नेपालगञ्ज मेयर तथा उपमेयर कप क्रिकेटः फाल्कोन स्पोर्ट्स क्लब विजयी

बुधबार, माघ २५, २०७९ बागेश्वरी पोस्ट

नेपालगञ्ज । नेपालगञ्ज मेयर तथा उपमेयर कप क्रिकेट प्रतियोगितामा आज फाल्कोन स्पोर्ट्स क्लबले जित हासिल गरेको छ ।मंगलप्रसाद उच्च माविको खेल मैदानमा फाल्कोन स्पोर्ट्स क्लबले नेपालगञ्ज थन्डरलाई ४ विकेटले पराजित गरेको छ । टस जितेर ब्याटिङ गरेको नेपालगञ्ज थन्डरले २० ओभरमा ९ विकेटको नोक्सानीमा १ सय १९ रन बनाएको थियो ।

जवाफमा फाल्कोनले १७.३ ओभरमा ६ विकेटको नोक्सानीमा लक्ष्य हासिल गरेको थियो । यसैगरी महिला तर्फको खेलमा बाल शिक्षा स्कुलले वाल्कओभर दिएको छ । मंगलप्रसाद मावि र बाल शिक्षाको खेल हुने तालिका रहेको थियो । प्रतियोगिता अन्तर्गत भोलि पुरुष तर्फको खेलमा नेपालगञ्ज–११ रकर्स विरुद्ध धारा मंगोलियन स्पोर्ट्स क्लबबीच प्रतिस्पर्धा हुनेछ । यसैगरी महिलातर्फ नेपालगञ्ज मोडेल एकेडेमी विरुद्ध त्रिभुवन स्कुलबीच प्रतिस्पर्धा हुने प्रतियोगिता संयोजक एवम् बाँके जिल्ला क्रिकेट संघका उपाध्यक्ष सुफियान पठान खानले बताए ।

बाँके जिल्ला क्रिकेट संघको आयोजना र नेपालगञ्ज उप–महानगरपालिकाको आर्थिक सहयोगमा भइरहेको प्रतियोगितामा मेयर (पुरुष) तर्फ २२ र उपमेयर (महिला) तर्फ ६ टिमको सहभागिता रहेको छ । प्रतियोगिताको पुरुषतर्फको विजेताले ७५ हजार र उपविजेताले ३५ हजार रुपैयाँ प्राप्त गर्नेछ । त्यसैगरी महिला तर्फको विजेता टिमले २५ हजार र उपविजेताले १५ हजार रुपैयाँ, मेडल, ट्रफी, प्रमाणपत्र पाउनेछन् ।

प्रकाशित मिति: बुधबार, माघ २५, २०७९ २०:३७

प्रतिक्रिया दिनुहोस्