एक महिनामै ढल्यो एमाले नेतृत्वको सुदुरपश्चिम सरकार

राजनीति

गृहपृष्ठ
राजनीति
एक महिनामै ढल्यो एमाले नेतृत्वको सुदुरपश्चिम सरकार

एक महिनामै ढल्यो एमाले नेतृत्वको सुदुरपश्चिम सरकार

बिहीबार, माघ २६, २०७९ बागेश्वरी पोस्ट

नेपालगञ्ज । नेकपा एमाले नेतृत्वको सुदूरपश्चिम प्रदेश सरकार ढलेको छ । मुख्यमन्त्री राजेन्द्रसिंह रावलले विश्वासको मत नपाएपछि सरकार ढलेको हो ।

उनलाई विश्वासको मत दिने ठानिएको सत्ता समर्थक दल नागरिक उन्मुक्ति पार्टी बैठकमै उपस्थित नभएपछि सभामुखले पक्ष र विपक्षमा ध्वनि मत गराएकामा सो अनुसार विश्वासको मत नपाएपछि एमाले सरकार ढलेको हो ।

नियुक्त भएको ३० दिनभित्र विश्वासको मत लिनुपर्ने संबैधानिक प्रावधान छ । उक्त प्रावधान अनुसार विश्वासको मत लिने अन्तिम दिन प्रदेश सभामा मुख्यमन्त्री रावलले राखेको विश्वासको मत प्राप्त गर्ने प्रस्ताव नै अस्वीकृत भयो । विश्वासको मत माग्ने प्रस्ताव नै अस्वीकृत भएको कारण प्रदेश सरकार ढलेको यो पहिलो घटना हो ।

५३ सदस्यीय प्रदेश सभामा कुनै पनि दलको एकल बहुमत थिएन । मुख्यमन्त्रीलाई बहुमत सिद्ध गर्न २७ मत चाहिने थियो । प्रदेश सभामा एमालेका १०, माओवादी केन्द्रका सभामुखबाहेक १० र राप्रपाका १ सांसद छन् । विपक्षमा रहेको नेपाली कांग्रेसका १९, नेकपा एकीकृत समाजवादीका ४ र १ स्वतन्त्र सदस्य छन् ।

उन्मुक्तिका ७ सांसद रहेका छन् । आजको बैठकमा ५३ मध्ये ८ सांसद अनुपस्थित थिए । एक सांसद कांग्रेसका अनुपस्थित भएका हुन् । उन्मुक्तिका सातै जना उपस्थित भएनन् ।

प्रकाशित मिति: बिहीबार, माघ २६, २०७९ १७:५३

प्रतिक्रिया दिनुहोस्