प्रदेशमा कांग्रेसको 'कमब्याक', सुदुरपश्चिममा शाह बने मुख्यमन्त्री

राजनीति

गृहपृष्ठ
राजनीति
प्रदेशमा कांग्रेसको 'कमब्याक', सुदुरपश्चिममा शाह बने मुख्यमन्त्री

प्रदेशमा कांग्रेसको 'कमब्याक', सुदुरपश्चिममा शाह बने मुख्यमन्त्री

बिहीबार, माघ २६, २०७९ बागेश्वरी पोस्ट

नेपालगञ्ज । नेपाली कांग्रेसले प्रदेश सरकारमा 'कमब्याक' गरेको छ । एमाले नेतृत्वको सरकारले विश्वासको मत पाउन नसकेपछि सुदूरपश्चिम प्रदेशको मुख्यमन्त्रीमा नेपाली कांग्रेस संसदीय दलका नेता कमलबहादुर शाह नियुक्त भएका छन् ।

मुख्यमन्त्री राजेन्द्रसिंह रावलले विश्वासको मत नपाएर पद गुमाएपछि प्रदेशसभाको सबैभन्दा ठूलो दल नेपाली कांग्रेस संसदीय दलका नेता शाह मुख्यमन्त्रीमा नियुक्त भएका हुन् ।

उनलाई प्रदेश प्रमुख देवराज जोशीले मुख्यमन्त्रीमा नियुक्त गरेका हुन् । आज बेलुकी मुख्यमन्त्रीमा नियुक्त भएका शाहले भोलि पद तथा गोपनीयताको सपथग्रहण गर्ने कार्यक्रम रहेको प्रदेश प्रमुखको कार्यालयले जनाएको छ ।

प्रदेशसभा बैठकमा सत्ता साझेदार दल नागरिक उन्मुक्ति पार्टीका प्रदेश सभा सदस्य अनुपस्थित भएपछि मुख्यमन्त्री रावलले विश्वासको मत पाउन सकेनन् । माओवादीले कांग्रेससंगको गठबन्धन तोडेपछि सबैतिर विपक्षी मोर्चामा पुगेको कांग्रेसले सुदुरपश्चिमबाट 'कमब्याक' गरेको हो ।

प्रकाशित मिति: बिहीबार, माघ २६, २०७९ १९:३२

प्रतिक्रिया दिनुहोस्