सुदूरपश्चिमका मुख्यमन्त्री शाहको आज सपथ, आजै मन्त्रीमण्डल विस्तार

राजनीति

गृहपृष्ठ
राजनीति
सुदूरपश्चिमका मुख्यमन्त्री शाहको आज सपथ, आजै मन्त्रीमण्डल विस्तार

सुदूरपश्चिमका मुख्यमन्त्री शाहको आज सपथ, आजै मन्त्रीमण्डल विस्तार

शुक्रबार, माघ २७, २०७९ बागेश्वरी पोस्ट

नेपालगन्ज । सुदूरपश्चिम प्रदेशका नवनियुक्त मुख्यमन्त्री कमलबहादुर शाहले आज पद तथा गोपनीयताको शपथ लिँदैछन् । प्रदेश प्रमुखको कार्यालयमा उनले आज दिउँसो ३ वा ४ बजे प्रदेश प्रमुख देवराज जोशीबाट पद तथा गोपनियताको शपथ लिनेछन् ।

प्रदेश प्रमुखको कार्यालयका निमित्त सचिव शैलेश ढुंगानाले मुख्यमन्त्रीको सपथ ग्रहणको कार्यक्रम दिउँसो ३ बजे गर्ने बताएका छन् । शाहलाई बिहीबार प्रदेश प्रमुखले संविधानको धारा १६८ को उपधारा (३) अनुसार ठूलो दलको हैसियतमा मुख्यमन्त्रीमा नियुक्त गरेका थिए ।

२७ पुसमा एमाले, माओवादी केन्द्र, नागरिक उन्मुक्ति पार्टी र राप्रपाको समर्थनमा मुख्यमन्त्रीमा नियुक्त भएका राजेन्द्रसिंह रावलले प्रदेश सभाबाट विश्वासको मत पाउन नसकेपछि प्रदेश प्रमुखसमक्ष राजीनामा बुझाएका थिए । उनले राजीनामा बुझाए लगत्तै शाह मुख्यमन्त्री नियुक्त भएका हुन् ।

नवनियुक्त मुख्यमन्त्री शाहले शुक्रबार सानो आकारको मन्त्रीमण्डल विस्तार गर्ने तयारी गरेका छन् । कांग्रेसबाट एक जना र नेकपा एकीकृत समाजवादीबाट एक जना गरेर दुई जना मन्त्री आजै नियुक्त गर्ने गरी छलफल भइरहेको छ ।

तर, को–को मन्त्री बन्दैछन् भन्ने कुराको भने टुंगो लाग्न बाँकी रहेपनी स्रोतका अनुसार कांग्रेसका प्रकाशबहादुर देउवा र एकीकृत समाजवादीका दीर्घबहादुर सोडारी मन्त्री बन्ने सम्भावना छ ।

प्रकाशित मिति: शुक्रबार, माघ २७, २०७९ ०९:५९