बृहत् खजुरा सम्मेलन उदघाटन गर्न मुख्यमन्त्री पोखरेल आउँदै

अर्थ

गृहपृष्ठ
अर्थ
बृहत् खजुरा सम्मेलन उदघाटन गर्न मुख्यमन्त्री पोखरेल आउँदै

बृहत् खजुरा सम्मेलन उदघाटन गर्न मुख्यमन्त्री पोखरेल आउँदै

सोमबार, कात्तिक ४, २०७६ बागेश्वरी पोस्ट

खजुरा ( बाँके )। खजुरा गाउँपालिकामा ‘बृहत खजुरा सम्मेलन’ हुने भएको छ। सम्मेलनको उद्घाटन गर्न बुधवार प्रदेश नं ५ का मुख्यमन्त्री शंकर पोख्रेल नेपालगञ्ज आउने भएका छन् । मुख्यमन्त्री पोखरेलले ज्ञानोदय नमूना माध्यामिक विद्यालय खजुरामा सम्मेलनको उद्घाटन गर्ने छन् । कार्तिक ६ र ७ गते हुने उक्त सम्मेलनले खजुराको विकासको रोडम्याम तथा छलफल गर्ने गाउँपालिका प्रमुख किस्मतकुमार कक्षपतिले बताए । खजुराका समृद्धिका आधार, अवसर र सम्भाव्यतालाई पहिल्याउँदै खजुरा गाउँपालिकाको नीतिगत प्राथमिकता तय गर्न सहज वातावारण बनाउन सम्मेलन गर्न लागिएको हो । खजुरा क्षेत्रका बिभिन्न क्षेत्रका बिज्ञ, सामाजिक तथा आर्थिक क्षेत्रका अगुवा व्यक्तित्वहरुबाट कार्यपत्रहरु प्रस्तुत हुने सम्मेलन आयोजक समितिका अध्यक्ष भक्तबहादुर केसी बताउँछन् । २ दिनसम्म चल्ने सम्मेलनमा खजुरा क्षेत्र तथा खजुरामा स्थायी बसोबास रही कामको शिलशिलामा बाहिर रहेका २ सय ५० बढिको सहभागिता रहनेछ । सबै सहभागिहरुसंग खजुराको विकासका बारेमा छलफल हुने आयोजक समितिका सचिव किरण ढकालले जानकारी दिए ।

प्रकाशित मिति: सोमबार, कात्तिक ४, २०७६ १७:४४

प्रतिक्रिया दिनुहोस्