एमालेलाई राष्ट्रपति दिए बर्बादै हुन्छ: माधव नेपाल

राजनीति

गृहपृष्ठ
राजनीति
एमालेलाई राष्ट्रपति दिए बर्बादै हुन्छ: माधव नेपाल

एमालेलाई राष्ट्रपति दिए बर्बादै हुन्छ: माधव नेपाल

बुधबार, फागुन ३, २०७९ बागेश्वरी पोस्ट

फाइल फोटो

नेपालगन्ज । नेकपा एमालेलाई राष्ट्रपति एमालेलाई दिए बर्बाद हुने नेकपा (एस) का अध्यक्ष माधवकुमार नेपालले बताएका छन् ।

आज पोखरामा आयोजित पत्रकार भेटघाटका क्रममा नेता नेपालले यस्तो बताएका हुन् । ‘सभामुख एमालेको, राष्ट्रियसभा अध्यक्ष एमाले। राष्ट्रपति पनि एमालेलाई दिए त बर्बाद नै हुन्छ नि?,’ नेता नेपालले भने ।

शक्ति सन्तुलनको हिसाबले पनि एमालेबाट राष्ट्रपति हुन नहुने उनको भनाई छ । नेपालले राष्ट्रपतिमा राष्ट्रिय सहमति हुनुपर्नेमा जोड दिएका छन् ।

प्रतिनिधिसभा र राष्ट्रियसभाको नेतृत्व एमालेबाट भएकाले राष्ट्रपति अरू दलबाट हुनुपर्ने नेपालले बताए । राष्ट्रपतिमा सकेसम्म सबैको नसके अधिकांश दलको सहमति जुटाउन आफूहरू लागि परेको उनले बताए ।

यद्यपि राष्ट्रपतिका लागि साझा उम्मेदवारको नाममा सहमति जुटिनसकेको नेपालले उल्लेख गरे । अहिलेको गठबन्धनलाई खिचडी गठबन्धनको संज्ञा दिँदै अध्यक्ष नेपालले विचार नमिल्नेहरूको गठबन्धन बताए ।

प्रकाशित मिति: बुधबार, फागुन ३, २०७९ १४:४५

प्रतिक्रिया दिनुहोस्