नागरिक उन्मुक्तिका सांसद अरुण चौधरी जेलमुक्त

राजनीति

गृहपृष्ठ
राजनीति
नागरिक उन्मुक्तिका सांसद अरुण चौधरी जेलमुक्त

नागरिक उन्मुक्तिका सांसद अरुण चौधरी जेलमुक्त

आइतबार, फागुन ७, २०७९ बागेश्वरी पोस्ट

फाइल फोटो

नेपालगन्ज । नागरिक उन्मुक्ति पार्टीका सांसद अरुण चौधरी जेलमुक्त भएका छन् । राष्ट्रपति विद्यादेवी भण्डारीबाट आममाफी पाएका कैलाली २ बाट गत मंसिर ४ गते भएको निर्वाचनमा निर्वाचित प्रतिनिधिसभा सदस्य चौधरी आज बिहान जेलमुक्त भएका छन् ।

प्रजातन्त्र दिवसको अवसरमा राष्ट्रपति भण्डारीबाट आममाफी पाएका सांसद चौधरी १३ वर्षअघिको मुद्दामा गत माघ १९ गते कोहलपुरबाट पक्राउ परेका थिए । उनी २०६६ भदौ ३ गते लु२त २११ नम्बरको ट्रयाक्टर जलाएको अभियोगमा दोषी ठहर भएका थिए ।

सांसद चौधरीले ६ महिना कैद भुक्तान गर्न बाँकि भएका कारण उनलाई पक्राउ गरी कैलाली जिल्ला कारागारमा पठाइएको थियो ।

प्रकाशित मिति: आइतबार, फागुन ७, २०७९ ११:३६