राप्रपाद्वारा कर्णाली प्रदेश सरकारलाई दिएको समर्थन फिर्ता

राजनीति

गृहपृष्ठ
राजनीति
राप्रपाद्वारा कर्णाली प्रदेश सरकारलाई दिएको समर्थन फिर्ता

राप्रपाद्वारा कर्णाली प्रदेश सरकारलाई दिएको समर्थन फिर्ता

बिहीबार, फागुन १८, २०७९ बागेश्वरी पोस्ट

नेपालगन्ज । राष्ट्रिय प्रजातन्त्र पार्टी (राप्रपा) ले कर्णाली सरकारलाई दिएको समर्थन फिर्ता लिएको छ । माओवादी केन्द्रको नेतृत्वको सरकारलाई दिएको समर्थन राप्रपाले फिर्ता लिएको जनाएको छ ।

राप्रपा कर्णाली प्रदेश सभा सदस्य सन्तोषी शाहीले मुख्यमन्त्री शर्मालाई दिएको समर्थन फिर्ता लिएको जानकारी दिएकी छन् । कर्णाली प्रदेशमा राप्रपाको एक सिट छ । गठबन्धन दलले समर्थन फिर्ता लिएसँगै मुख्यमन्त्री शर्माले ३० दिनभित्र विश्वासको मत लिनुपर्ने हुन्छ ।

यो प्रदेशमा एमाले तीन मन्त्रालयसहित सरकारमा छ । केन्द्रमा सत्तासमीकरण फेरिएसँग प्रदेशहरूमा पनि उथलपुथल सुरू भएको छ ।

४० सदस्यीय प्रदेश सभामा सरकार बनाउन कर्णाली प्रदेश सभामा कम्तीमा २१ सिट आबश्यक पर्दा १४ सिटसहित कांग्रेस पहिलो दल रहेको छ । प्रदेश सभामा माओवादी केन्द्रको १३ सिट छ भने एकीकृत समाजवादीको १ सिट छ । माओवादी नेतृत्वको सरकारलाई कांग्रेसले समर्थन गरेमा मुख्यमन्त्रीमा पुनः माओवादी केन्द्र सुरक्षित हुने देखिएको छ ।

प्रकाशित मिति: बिहीबार, फागुन १८, २०७९ १४:०५

प्रतिक्रिया दिनुहोस्