सुदूरपश्चिमका मुख्यमन्त्रीलाई विश्वासको मत दिन आफ्ना सांसदलाई माओवादी केन्द्रको निर्देशन

राजनीति

गृहपृष्ठ
राजनीति
सुदूरपश्चिमका मुख्यमन्त्रीलाई विश्वासको मत दिन आफ्ना सांसदलाई माओवादी केन्द्रको निर्देशन

सुदूरपश्चिमका मुख्यमन्त्रीलाई विश्वासको मत दिन आफ्ना सांसदलाई माओवादी केन्द्रको निर्देशन

आइतबार, फागुन २१, २०७९ बागेश्वरी पोस्ट

नेपालगन्ज । सुदूरपश्चिम प्रदेशका मुख्यमन्त्री कमलबहादुर शाहलाई माओवादी केन्द्रले माओवादी संसदीय दललाई विश्वासको मत दिन निर्देशन दिएको छ ।

सुदूरपश्चिम प्रदेश सभा माओवादी संसदीय दलका नेता खगराज भट्टले विश्वासको मत दिन केन्द्रबाट निर्देशन आएको बताए । ‘अहिलेको गठबन्धन राष्ट्रिय आवश्यकता हो, यो गठबन्धन टुट्नु हुँदैन, त्यसैले विश्वासको मत दिनू भनेर केन्द्रबाट निर्देशन आएको छ,’ भट्टले भने ।

सुदूरपश्चिम प्रदेश माओवादी केन्द्र संसदीय दलको बैठकले कांग्रेसले संवादको वातावरण नबनाएको र मुख्यमन्त्रीमा आलोपालोको विषयमा छलफल नभएको भन्दै विश्वासको मत नदिने निर्णय गरिरहँदा माओवादीका अध्यक्ष पुष्पकमल दाहाल प्रचण्डले मुख्यमन्त्री शाहलाई विश्वासको मत दिन निर्देशन जारी गरेको हो ।

सुदूरपश्चिमका मुख्यमन्त्री शाहले विश्वासको मत लिनका लागि आज दिउँसो १ बजे प्रदेशसभा बैठक बोलाइएको छ ।

यसअघि नेकपा एमालेबाट मुख्यमन्त्री बनेका राजेन्द्रसिंह रावलले विश्वासको मत जुटाउन नसकेपछि पदमुक्त भएका थिए । त्यसपछि सुदूरपश्चिम प्रदेश सभाको ठूलो दलको हैसियतमा कांग्रेसका शाह २६ माघमा मुख्यमन्त्री नियुक्त भएका थिए । नेकपा एमालेले भने शाहलाई विश्वासको मत नदिने निर्णय गरिसकेको छ । शाहलाई विश्वासको मत दिनु अघि नागरिक उन्मुक्ति पार्टीले अनेक थरी सौदाबाजी गर्दै आएको छ ।

प्रकाशित मिति: आइतबार, फागुन २१, २०७९ ११:३७