गण्डकी सरकारलाई दिएको समर्थन फिर्ता लिंँदै माओवादी केन्द्र

राजनीति

गृहपृष्ठ
राजनीति
गण्डकी सरकारलाई दिएको समर्थन फिर्ता लिंँदै माओवादी केन्द्र

गण्डकी सरकारलाई दिएको समर्थन फिर्ता लिंँदै माओवादी केन्द्र

शुक्रबार, चैत १०, २०७९ बागेश्वरी पोस्ट

नेपालगन्ज। नेकपा माओवादी केन्द्रले गण्डकी प्रदेश सरकारलाई दिएको समर्थन फिर्ता लिने भएको छ ।

माओवादीको केन्द्रीय हाईकमाण्डबाट गण्डकी प्रदेश सरकारलाई दिएको समर्थन फिर्ता लिन माओवादी संसदीय दल गण्डकीलाई निर्देशन दिएपछि आज केहिबेरमा बैठक बोलाइएको छ ।

प्रधानमन्त्री एवं पार्टी अध्यक्ष पुष्पकमल दाहाल प्रचण्डले गण्डकीमा नयाँ सरकार गठनको प्रक्रिया अगाडि बढाउन निर्देशन दिएका छन् ।

माओवादीले समर्थन फिर्ता लिएसँगै मुख्यमन्त्री खगराज अधिकारी नेतृत्वको प्रदेश सरकार सङ्कटमा पर्ने देखिन्छ । उनले एक महिनाभित्र विश्वासको मत लिनुपर्ने हुन्छ । माओवादी केन्द्र र राष्ट्रिय प्रजातन्त्र पार्टीको समर्थनमा गत पुस २५ गते एमालेका खगराज अधिकारी मुख्यमन्त्रीमा नियुक्त भएका थिए ।

गठबन्धनमा सामेल कांग्रेस र माओवादी केन्द्रले नयाँ सरकार बनाउन आन्तरिक कसरतमा छन् । आठ प्रदेशसभा सदस्य (सभामुखसहित) रहेको माओवादी केन्द्रले समर्थन फिर्ता लिनासाथ अहिलेको सरकार अल्पमतमा पर्छ ।

सरकारलाई माओवादीसहित एमालेका २२ र राप्रपाका दुई प्रदेशसभा सदस्यको समर्थन छ । ६० सदस्यीय प्रदेशसभामा राप्रपाले मात्र समर्थन फिर्ता लिँदा पनि सरकारले बहुमत गुमाउँछ ।

प्रकाशित मिति: शुक्रबार, चैत १०, २०७९ १०:२२

प्रतिक्रिया दिनुहोस्