आज मन्त्रिपरिषद बिस्तारको तयारीमा प्रधानमन्त्री प्रचण्ड

राजनीति

गृहपृष्ठ
राजनीति
आज मन्त्रिपरिषद बिस्तारको तयारीमा प्रधानमन्त्री प्रचण्ड

आज मन्त्रिपरिषद बिस्तारको तयारीमा प्रधानमन्त्री प्रचण्ड

बिहीबार, चैत १६, २०७९ बागेश्वरी पोस्ट

नेपालगन्ज । प्रधानमन्त्री पुष्पकमल दाहाल प्रचण्डले आज मन्त्रिपरिषद बिस्तारको तयारी गरेका छन् । सत्ता गठबन्धनको मन्त्रालय भागवण्डा टुंगो लागिसकेकोले आज साँझसम्म मन्त्रिपरिषद बिस्तार हुने भएको हो ।

नेपाली कांग्रेसले ८, नेकपा माओवादी केन्द्रले ५, नेकपा एकीकृत समाजवादी र जनता समाजवादी पार्टी (जसपा) ले २/२ र जनमत पार्टी, लोकतान्त्रिक समाजवादी पार्टी, नागरिक उन्मुक्ति पार्टी र नेपाल समाजवादी पार्टीले १/१ मन्त्रालय लिने सहमति भइसकेको छ ।

'आज बेलुकासम्म मन्त्रिपरिषदलाई पूर्णता दिने भन्नेछ' कांग्रेसका एक नेताले भने-‘सबै पार्टीले आ–आफ्नो भागमा परेको मन्त्रालयमा मन्त्रीहरुको नाम दिनुहुनेछ, त्यसपछि मन्त्रीहरुको शपथ हुन्छ ।’ कांग्रेसको पनि मन्त्री छान्न केन्द्रीय कार्यसम्पादन समिती बैठक बसिरहेको उनले बताए ।

राष्ट्रिय स्वतन्त्र पार्टी र प्रभु साह नेतृत्वको आम जनता पार्टीलाई पनि सरकारमा सहभागी गराउने तयारी प्रधानमन्त्री प्रचण्डले गरेका छन् ।

प्रकाशित मिति: बिहीबार, चैत १६, २०७९ ०८:४९