नेपालगन्ज विमानस्थलबाट ४५ ग्राम ब्राउनसुगरसहित एक युवा पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्ज विमानस्थलबाट ४५ ग्राम ब्राउनसुगरसहित एक युवा पक्राउ

नेपालगन्ज विमानस्थलबाट ४५ ग्राम ब्राउनसुगरसहित एक युवा पक्राउ

शनिबार, वैशाख २, २०८० बागेश्वरी पोस्ट

नेपालगन्ज । नेपालगन्ज विमानस्थलबाट ठुलो परिमाणमा ब्राउनसुगरसहित प्रहरीले एक जना युवालाई पक्राउ गरेको छ ।

नयाँ वर्षका दिन नेपालगन्ज विमानस्थलबाट श्री एअरलायन्सको उडानबाट काठमाडौँ जाँदै गरेका कैलालीको घोडाघोडी नगरपालिका–२ बस्ने २२ वर्षीय अमुल क्षत्रीलाई ४५ ग्राम ब्राउनसुगरसहित पक्राउ गरेको जिल्ला प्रहरी कार्यालय बाँकेका प्रवक्ता डीएसपी रामप्रसाद घर्तीले जानकारी दिएका छन् ।

नयाँ वर्षको बिहान साढे ९ बजेको श्री एयरलाइन्सको फ्लाइटबाट काठमाडौं जाँदै गरेका क्षत्रीलाई विमानस्थल प्रहरीले शंका लागेर चेकजाँच गर्दा त्यति ठुलो परिमाणमा ब्राउनसुगर बरामद गरेको हो ।

क्षत्रीलाई प्रहरीले हिरासतमा लिएर लागूऔषध कसुरमा अनुसन्धान गरिरहेको बाँके प्रहरीले जनाएको छ ।