पुर्वमन्त्री राईद्वारा क्रिकेट खेल उद्घाटन,नेपालगन्जका सबै वडा अध्यक्षद्वारा उद्घाटन बहिष्कार

खेलकुद

गृहपृष्ठ
खेलकुद
पुर्वमन्त्री राईद्वारा क्रिकेट खेल उद्घाटन,नेपालगन्जका सबै वडा अध्यक्षद्वारा उद्घाटन बहिष्कार

पुर्वमन्त्री राईद्वारा क्रिकेट खेल उद्घाटन,नेपालगन्जका सबै वडा अध्यक्षद्वारा उद्घाटन बहिष्कार

शुक्रबार, माघ १०, २०७६ बागेश्वरी पोस्ट

नेपालगन्ज । नेपालगन्जमा आज देखि अन्तर वडा स्तरीय क्रिकेट प्रतियोगिता सुरु भएको छ। प्रतियोगिताको उद्घाटन पुर्वमन्त्री एबम प्रतिनिधि सभा सदस्य मो. स्तियाक राईले गरेका छन् ।

जब पुर्व मन्त्री उद्घाटन गर्नका लागी स्टेजमा पुगे त्यसपश्चात् नेपालगन्ज उपमहानगरपालिकाका सबै वडा अध्यक्षहरु एमपी स्कुलको मैदानबाट बाहिरीए। उनीहरुले आजदेखि सुरु भएको अन्तर वडा स्तरीय क्रिकेट प्रतियोगिताको उद्घाटन कार्यक्रम बहिष्कार गरेका छन् ।

नेपालगन्ज उपमहानगरपालिका र वडा कार्यालयहरुको सहयोग रहेको प्रतियोगितामा वडा अध्यक्षहरुसग समन्वय र सहकार्य नगरेको भन्दै प्रतिनिधि सभा सांसद मो. स्तियाक राईले उद्घाटन गरेको कार्यक्रमको उनीहरुले बहिष्कार गरेका हुन् ।

मेयर- उपमेयर र वडा अध्यक्षहरुसग प्रतियोगिता बारेमा कुनै राय-सल्लाह नलिई आफ्नै मनमानी तरिकाले प्रतियोगिता उद्घाटन गरेकाले सबै वडा अध्यक्षहरुले उद्घाटन कार्यक्रम बहिष्कार गर्नुपरेको वडा नम्बर १३ का अध्यक्ष बिरेन्द्र बहादुर शाहले बताए। तर, उद्घाटन पछिका सबै खेल र कार्यक्रमहरुलाई सहयोग गर्ने शाहले बताए।

प्रकाशित मिति: शुक्रबार, माघ १०, २०७६ १३:३४