नरैनापुरमा अतिरिक्त क्रियाकलाप प्रतियोगिता सुरु

खेलकुद

गृहपृष्ठ
खेलकुद
नरैनापुरमा अतिरिक्त क्रियाकलाप प्रतियोगिता सुरु

नरैनापुरमा अतिरिक्त क्रियाकलाप प्रतियोगिता सुरु

शुक्रबार, माघ १०, २०७६ बागेश्वरी पोस्ट

नरैनापुर(बाँके) । बाँकेको नरैनापुर गाउँपालिकाकामा आजदेखि अन्तर विद्यालय स्तरीय अतिरिक्त क्रियाकलाप प्रतियोगिता सुरु भएको छ । वडा नम्बर ४ खोदवाँमा सुरु भएको प्रतियोगिताको बाँके क्षेत्र नम्बर १ का संघीय सांसद् महेश्वरजंग गहतराज अथकले उद्घाटन गर्नुभयो ।

गाउँपालिकाको शिक्षा, युवा तथा खेलकुद शाखाको आयोजनामा तीन दिनसम्म चल्ने प्रतियोगितामा नरैनापुरका सामुदायिक स्कुल र मदरसाले भाग लिएको शाखा प्रमुख लक्ष्मीकान्त मिश्रले बताउनुभयो । गाउँपालिकाका अध्यक्ष इस्तियाक अहमद शाहको अध्यक्षतामा भएको उद्घाटन कार्यक्रममा बोल्दै सांसद् अथकले नरैनापुरलाई मूलप्रवाहमा ल्याउन अधिकतम् प्रयास भइरहेको वताउनुभयो ।

उहाँले नरैनापुर विकास पथमा लम्कँदै गएको बताउँदै यही आर्थिक वर्षभित्र विजुली बल्ने जानकारी दिनुभयो । हुलाकी सडकको काम पनि यसै वर्षभित्र सकिने बताउँदै अथकले घोरदौरियादेखि अगैयासम्मको सडक पनि कालोपत्रे हुने जानकारी दिनुभयो । गाउँपालिकाका अध्यक्ष शाहले पढाई संगसंगै अतिरिक्त क्रियाकलापमा विद्यार्थीलाई अग्रसर गराउन प्रतियोगिता गरिएको बताउनुभयो ।

शैक्षिक अवस्था सुधारको लागि गाउँपालिकाले अथेष्ट प्रयास गरिरहेको बताउनुभयो । प्रमुख प्रशासकीय अधिकृत दल बहादुर बस्नेतले विद्यार्थीहरुको क्षमता विकासका लागि प्रतियोगिता गरिएको बताउनुभयो। कार्यक्रममा नेकपाका नेता अतहर हुसेन फारुकी, वडा नम्बर ३ का अध्यक्ष राज कुमार मौर्य, जमुनी प्राविका प्रधानाध्यापक अमरलाल यादव, इलाका प्रहरी कार्यालय भगवानपुरका प्रमुख प्रहरी निरीक्षक मान बहादुर बिसी लगायतले बोल्नुभएको थियो ।

प्रकाशित मिति: शुक्रबार, माघ १०, २०७६ १७:४९

प्रतिक्रिया दिनुहोस्