पूर्व अयोग्य लडाकुलाई पैसा होईन रोजगारी दिउँ: शेखर कोइराला

राजनीति

गृहपृष्ठ
राजनीति
पूर्व अयोग्य लडाकुलाई पैसा होईन रोजगारी दिउँ: शेखर कोइराला

पूर्व अयोग्य लडाकुलाई पैसा होईन रोजगारी दिउँ: शेखर कोइराला

बिहीबार, वैशाख १४, २०८० बागेश्वरी पोस्ट

फाइल फोटो

नेपालगन्ज । सरकारले माओवादीका पूर्व अयोग्य लडाकुको नाममा पैसा बाँड्ने तयारी गरेकोमा नेपाली कांग्रेसका नेता शेखर कोइरालाले विरोध गरेका छन् । नेता कोइरालाले पैसाको साटो रोजगारी दिनुपर्ने बताएका छन् ।

नेता कोइरालाले आज बिहान सामाजिक सञ्जालमार्फत मुलुकको ढुकुटीमा पैसा नभएर सरकारी कर्मचारीलाई तलब र पूर्व शिक्षकहरूको पेन्सन दिन समेत नसकेको अवस्थामा सरकारले पूर्व लडाकुको नामम पैसा बाँड्ने कार्य कदापि स्वीकार गर्न नसकिने बताएका हुन् ।

उनले विगतमा क्यान्टोनमेन्टमा भएका लडाकुका लागि लिएको पैसाको हिसाबकिताब नबुझाएको र द्वन्द्वकालीन समस्या समाधानमा आनाकानी गर्दै लम्ब्याएको आरोप समेत लगाएका छन् ।

साथै उनले ढुकुटीमा पैसा नभएका कारण सरकारी कर्मचारीहरुको तलब र पूर्व शिक्षकहरुको पेन्सन दिन समेत नसक्ने अवस्थामा सरकारले पूर्व अयोग्य लडाकुको नाममा पैसा बाँड्ने कार्य स्विकार्य नहुने भन्दै उनले उनीहरुलाई रोजगारी दिनुपर्ने बताएका छन् ।