सशस्त्र प्रहरी असई हत्याका अभियुक्त सांसद लक्ष्मी महतो कोइरी समितिमा सिफारिस

राजनीति

गृहपृष्ठ
राजनीति
सशस्त्र प्रहरी असई हत्याका अभियुक्त सांसद लक्ष्मी महतो कोइरी समितिमा सिफारिस

सशस्त्र प्रहरी असई हत्याका अभियुक्त सांसद लक्ष्मी महतो कोइरी समितिमा सिफारिस

शुक्रबार, वैशाख १५, २०८० बागेश्वरी पोस्ट

नेपालगन्ज । सशस्त्र प्रहरीका असई हत्याका अभियुक्त फरार सूचीमा रहेका सांसद लक्ष्मी महतो कोइरीलाई उद्योग तथा वाणिज्य र श्रम तथा उपभोक्ता हित समितिमा सिफारिस गरेको छ ।

एमालेले सङ्घीय संसद् सचिवालयमा बुझाएको विवरणमा कोइरीको नाम उद्योग समितिमा सिफारिस गरेको छ । उनको नाम अब बस्ने प्रतिनिधिसभा बैठकले अनुमोदन गर्नेछ ।

महोत्तरी १ बाट निर्वाचित कोइरी गत २०७२ सालमा भएको मधेस आन्दोलनका क्रममा सशस्त्र प्रहरी बलका असई थमन बिक हत्याको घटनाका अभियुक्त हुन् ।

फरार रहेका कोइरीले आफू अस्वस्थ भएको भन्दै संसद बिहीबार सचिवालयलाई पत्र लेखेका थिए । लगातार १० वटा बैठकसम्म बिना सूचना अनुपस्थित रहे सभामुखले सांसद पदबाट पदमुक्त गर्न सक्ने व्यवस्था छ ।

असई विकको हत्या अभियोगमा उच्च अदालत जनकपुरले थुनामा राखेर अनुसन्धान गर्न आदेश दिएयता फरार रहेका कोइरी प्रतिनिधिसभाका २५ बैठकमा अनुपस्थित छन् ।

प्रकाशित मिति: शुक्रबार, वैशाख १५, २०८० १०:१४

प्रतिक्रिया दिनुहोस्