सरकार र धर्नामा बसेका महावीर पुनबीच सहमति

राजनीति

गृहपृष्ठ
राजनीति
सरकार र धर्नामा बसेका महावीर पुनबीच सहमति

सरकार र धर्नामा बसेका महावीर पुनबीच सहमति

आइतबार, वैशाख १७, २०८० बागेश्वरी पोस्ट

नेपालगन्ज । धर्नामा बसेका राष्ट्रिय आविष्कार केन्द्रका संस्थापक महावीर पुनसँग सरकारले सहमति गरेको छ ।

आज दिउँसो सिंहदरबारमा उपप्रधान एवं रक्षामन्त्री पूर्णबहादुर खड्का र पुनबीच भएको छलफलमा सहमति भएको हो ।

आज वार्ता टोली बनाएर भोलिसम्म आफ्ना माग पूरा गर्ने समझदारी भएको पुनले जानकारी दिएका छन् । उनले छलफलपछि आज साँझ ५ बजेभित्र एउटा छलफलका लागि टोली गठन गर्ने र वार्तामा बस्ने सहमति भएको बताएका छन् ।

उनले छलफल सकारात्मक भएको बताउँदै सामाजिक सञ्जालबाट समेत सबैका लागि सूचना जारी गरेका छन् ।

उनले लेखेका छन्, ‘आज दिउँसो २ बजे प्रधानमन्त्रीज्यूको निर्देशनमा उपप्रधानमन्त्री पूर्णबहादुर खड्काज्यू र मुख्य सचिव ज्यूसँग हाम्रो मागको बारेमा छलफल गर्नको लागि वार्ता टोली ५ बजेसम्म गठन गर्ने र वार्ता शुरु गर्ने भन्ने निर्णय भयो ।’

शुक्रबार माइतीघर मण्डलामा धर्ना बसेका महावीर सहितको टोली शुक्रबार राति माइतीघरमै सडकमा सुतेको थियो ।

प्रकाशित मिति: आइतबार, वैशाख १७, २०८० १६:४८

प्रतिक्रिया दिनुहोस्