खजुरीमा तस्करलाई तह लगाउदै प्रहरी निरीक्षक रोकाया

अर्थ

गृहपृष्ठ
अर्थ
खजुरीमा तस्करलाई तह लगाउदै प्रहरी निरीक्षक रोकाया

खजुरीमा तस्करलाई तह लगाउदै प्रहरी निरीक्षक रोकाया

सोमबार, माघ १३, २०७६ बागेश्वरी पोस्ट

धनुषा । कार्यालयको जिम्मेवारी बोकेको केही दिनमै प्रहरी निरीक्षक हिरेन्द्र रोकाया सफल बन्दै गएका छन् ।

धनुषा जिल्लाको ईलाका प्रहरी कार्यालय खजुरीको कमान्ड सम्हालेको हप्ता दिनमै उनले हतियारसहित युवकहरुलाई पक्राउ गरेको कुरा सेलाउन नपाउदै फेरि उनले धनुषामा तहल्का मच्चाउन सफल भएका छन् ।

प्रहरी निरीक्षक रोकायाले खजुरीमा तस्करहरुलाई तह लगाउदै एक हप्ताभित्र अबैध सामानहरु धमाधम बरामद गरिरहेका छन् ।उनको कमान्डको टोलीले खजुरीको सुनसान स्थानमा लुकाइराखेको अवस्थामा टयाक्टरसहित लाखौको सुर्तीजन्य पदार्थ बरामद गरेका छन् ।

यतिमात्रै होइन, रोकायाले अबैध रुपमा भारतबाट ल्याइदै गरिएको दानाका बोरा, अबैध कपडा तथा ब्यापरिक प्रयोजनका लागि ल्याइएका साबुन, सर्फ लगायतका सामानहरु बरामद गरेका छन् । बरामद गरिएका अबैध सामानहरुको मूल्य बजार भाउ अनुसार ३ लाख ४१ हजार रुपैयाँ बराबर रहेको खजुरी ईलाका प्रहरी कार्यालयले जानकारी दिएको छ।

प्रहरी निरीक्षक रोकायाले खजुरीमा गरेको कार्यप्रती त्यहाँका स्थानियहरु समेत खुशी भएका छन् ।बाँकेमा ट्राफिक प्रमुख भएर उत्कृष्ट कार्य गरिसकेका प्रहरी निरीक्षक रोकायाले खजुरीका स्थानियहरुको लागि शान्ति सुरक्षा प्रति कुनै कसर बाकी नराख्ने बताउछन् ।

प्रकाशित मिति: सोमबार, माघ १३, २०७६ १२:३४

प्रतिक्रिया दिनुहोस्