बाँसबारीको न्युरो अस्पतालमा दुरबिनको माध्यमले मेरुदण्डको शल्यक्रिया

स्वास्थ्य

गृहपृष्ठ
स्वास्थ्य
बाँसबारीको न्युरो अस्पतालमा दुरबिनको माध्यमले मेरुदण्डको शल्यक्रिया

बाँसबारीको न्युरो अस्पतालमा दुरबिनको माध्यमले मेरुदण्डको शल्यक्रिया

सोमबार, वैशाख २५, २०८० बागेश्वरी पोस्ट

नेपालगन्ज । काठमाडौंको बाँसबारीस्थित उपेन्द्र देवकोटा मेमोरियल नेसनल इन्स्टिच्युट अफ न्युरोलोजिकल एन्ड एलाइड साइन्स (न्युरोअस्पताल) मा दुरबिनको माध्यमबाट मेरुदण्डको शल्यक्रिया हुने भएको छ ।

न्युरो अस्पतालमा दुरबिनको माध्यमबाट मेरुदण्डको शल्यक्रिया सुरु गरेको अस्पतालले जनाएको छ । उक्त सेवा प्रदान गर्न अस्पतालले दुरबिनको माध्यमबाट मेरुदण्डको शल्यक्रिया गर्न न्युरो अस्पतालले नेपालमा पहिले पटक एडभान्स लेबलको दुई दिने ‘युनिल्याटरल बाइपोर्टल इन्डोस्कोपी (युबिइ) – अन कोर्स एण्ड लाइभ सर्जरी वर्कसप’ समेत सम्पन्न गरिसकेको न्यूरो अस्पतालका चिफ सर्जन डा. निकुञ्ज योगीले बताए ।

वर्कसपका लागि अस्पतालले भारतबाट मुख्य प्रशिक्षक मुम्बईको प्रसिद्ध स्पाइन सर्जन डा. माल्कम पेस्टोनजी ल्याइएको थियो भने उनीलाई नेपालमा थप दुई जना डाक्टर न्यूरो अस्पतालका डा. योगी र पोखरास्थित मणिपाल अस्पतालका डा. बालगोपाल कर्माचार्यले प्रशिक्षकमा सहायता गरेका थिए ।

न्युरो अस्पताल बाँसबारीमा पछिल्लो समयदेखि नियमित रूपमा स्पाइन इन्डोस्कोपी शल्यक्रिया भइरहेको छ । यो प्रशिक्षणले एडभान्स एन्डोकोपिक सर्जरी हुने डा. योगीले जानकारी दिए ।

‘डा.योगीका अनुसार दुरबिनको माध्यमबाट थप पाँच जना बिरामीलाई नयाँँ प्रविधि (युबिइ) को प्रयोग गरेर मेरुदण्डको सफल अप्रेसन गरिएको हो ।’

अहिले ढाड दु:खाईको ओपन सर्जरी नेपालमा छ्यापछ्याप्ति भइरहेको छ । तर, अब सानो प्वाल पारेर शल्यक्रिया गर्न सकिने डा. योगीको भनाई छ ।

‘पहिला नाशा च्यापिएको बिरामीको माइक्रोस्कोपिको प्रयोग गरेर नाङ्गो आँखाले चिरेर गर्ने तरिका थियो । अहिले दुरबिनको माध्यमबाट दुइ ओटा सानो प्वाल पारेर गर्न सकिन्छ’ उनले भने ।

अन्तराष्ट्रिय स्तरमा पछिल्लो पाँच बर्षमा पनि यो विधिबाट शल्यक्रिया चर्चामा रहेको छ । दुरबिनको माध्यमबाट बेसिक लेबलमा नेपालभर सात ओटासम्म शल्यक्रिया भएको छ भने न्युरो अस्पतालमा दुई जनाको सफल शल्यक्रिया भएको छ ।

यस्ता समस्या लिएर अस्पतालमा एक महिनामा पुग्ने २० जनासम्म पुग्ने बिरामीलाई अब ओपन सर्जरी गर्नुपर्ने बाध्यता अन्त्य भएका उनले जानकारी दिए ।

ओपन सर्जरी भन्दा यस प्रविधिमा प्रयोग हुने सामानहरु बाहिरबाट ल्याउनुपर्ने भएकाले २० देखि ४० हजार बढि खर्च लाग्ने उनले जानकारी दिए । न्युरो अस्पतालमा यस विधिबाट उपचार गर्न नयाँँ प्रविधिहरु ल्याइएको उनले बताए ।

प्रकाशित मिति: सोमबार, वैशाख २५, २०८० १९:१६

प्रतिक्रिया दिनुहोस्