तीन नाबालक श्रमिकको भारतबाट उद्दार

सुरक्षा-अपराध

गृहपृष्ठ
सुरक्षा-अपराध
तीन नाबालक श्रमिकको भारतबाट उद्दार

तीन नाबालक श्रमिकको भारतबाट उद्दार

बुधबार, जेठ ३१, २०८० बागेश्वरी पोस्ट

सांकेतिक तस्बिर

नेपालगन्ज । तीन जना नाबालक श्रमिकको भारतबाट उद्धार गरी आफन्तको जिम्मा लगाइएको छ ।

रौतहटका ती नाबालक श्रमिकलाई सामुदायिक विकास तथा सचेतना नेपालको पहल र भारतस्थित एक गैरसरकारी संस्था तथा भारतीय प्रहरीको समन्वयमा भारतको मुम्बईको एक ब्याग उद्योगका कार्यरत नाबालकहरूको उद्धार गरिएको हो ।

उनीहरूलाई महिला बालबालिका तथा जेष्ठ नागरिक सेवा केन्द्र गरुडामा आयोजित कार्यक्रममा परिवारलाई जिम्मा लगाइएको सामुदायिक विकास तथा सचेतना नेपालका कार्यकारी निर्देशक दिलीप कोइरालाले जानकारी दिए ।

राजपुर नगरपालिकाका एक जना, बृन्दावन नगरपालिकाका १ जना र यमुनामाइ गाउँपालिकाका एक जना गरी तीन जना नाबालकहरूलाई परिवारको जिम्मा लगाइएको हो ।

गत साउन यता २३ जना बाल श्रमिकहरूको भारतबाट उद्धार भएको महिला बालबालिका तथा जेष्ठ नागरिक सेवा केन्द्र गरुडाकी प्रमुख प्रसनि फुल माया गुरोले जानकारी दिइन्।

प्रकाशित मिति: बुधबार, जेठ ३१, २०८० ०८:४८