नेपालगञ्ज रनिङ्ग शिल्ड माघ २७ देखि

खेलकुद

गृहपृष्ठ
खेलकुद
नेपालगञ्ज रनिङ्ग शिल्ड माघ २७ देखि

नेपालगञ्ज रनिङ्ग शिल्ड माघ २७ देखि

बुधबार, माघ २२, २०७६ बागेश्वरी पोस्ट

नेपालगञ्ज। नेपालगञ्ज उप–महानगरपालिका प्रथम मेयर कप रनिङ्ग शिल्ड खेलकुद प्रतियोगिता–२०७६ यहि माघ २७ देखि २९ गते सम्म हुने भएको छ ।

मंगल मावि नेपालगञ्जमा हुने प्रतियोगितामा नगरभित्रका सामुदायिक र संस्थागत गरि ५६ विद्यालयका विद्यार्थीहरुको सहभागिता रहने भएको छ। मेयर कपसँगै अन्तर मावि स्तरीय राष्ट्रपति रनिङ्ग शिल्डको खेलाडी छनौट समेत हुनेछ ।

प्रतियोगिताको आयोजना तथा ब्यवस्थापन समितिका संयोजक नेपालगञ्ज उपमहानगरपालिका शिक्षा शाखा प्रमुख गोर्खबहादुर थापाको अध्यक्षतामा बुधबार सरोकारवालाहरुको बैठक समपन्न भएको छ । बैठकले सहभागी विद्यार्थीले २४ गतेभित्र शिक्षा शाखामा आवश्यक कागजातसहित नाम दर्ता गराउनुपर्ने निर्णय गरेको छ ।

यसैगरी मार्चपासमा खेलमा सहभागी खेलाडी मात्रै सहभागी गराउने बैठकले निर्णय गरेको छ । सहभागी खेलाडी १८ वर्ष मुनीको हुनुपर्ने र त्यसको सिफारिस गर्ने जिम्मा प्रअको हुने बैठकले निर्णय गरेको छ । बैठकमा रनिङ शिल्डलाई सफल पार्न विभिन्न छलफल गरिएको हो ।

प्रकाशित मिति: बुधबार, माघ २२, २०७६ १९:१३