माओवादी नेताहरुले टिकट खोसेपछि अलपत्र परेका चिकित्सक ल्याउन अर्को जहाज !

राजनीति

गृहपृष्ठ
राजनीति
माओवादी नेताहरुले टिकट खोसेपछि अलपत्र परेका चिकित्सक ल्याउन अर्को जहाज !

माओवादी नेताहरुले टिकट खोसेपछि अलपत्र परेका चिकित्सक ल्याउन अर्को जहाज !

मंगलबार, असोज ९, २०८० बागेश्वरी पोस्ट

काठमाडौं । मुगुको ताल्चा विमानस्थलबाट समिट एयरमा आज बिहान नेपालगञ्ज आउने तयारी गरेका चिकित्सकहरुलाई अलपत्र पारेर माओवादी नेताहरुलाई मात्रै उडाएको घटनापछि पर्यटन मन्त्रीले अर्को जहाज ताल्चा विमानस्थल पठाएका छन् ।

पर्यटन मन्त्री सुदन किराँतीले अलपत्र परिएका चिकित्सकहरुलाई लिन नेपाल वायु सेवा निगमको जहाजलाई ताल्चा विमानस्थल पठाएका हुन् ।

कर्णाली स्वास्थ्य विज्ञान प्रतिष्ठानको गोष्ठी सकेर मुगुको ताल्चा विमानस्थलबाट १६ जना चिकित्सकहरु नेपालगञ्ज फर्किने क्रममा माओवादी उच्च तहका नेताहरुले उनीहरुको टिकट खोसेर अलपत्र पारेका थिए ।

माओवादी केन्द्रका उपमहासचिव मात्रिका यादव, कर्णाली प्रदेशका पूर्व मुख्यमन्त्री महेन्द्रबहादुर शाही, प्रदेश अध्यक्ष विमला केसी, धर्मराज शाह र प्रकाशबहादुर शाहीका लागि सिट मिलाउनुपर्ने भएकाले सबैलाई लान नसकिने भन्दै समिट एयरका स्टेशन म्यानेजर महेन्द्र भामले पाँच जना चिकित्सकहरुको टिकट खोसेका थिए ।

पाँच जनाको टिकट खोसिएपछि चिकित्सकको टोली बिरोध जनाएर विमानस्थलमै बसेको थियो ।

यसरी चिकित्सकहरु विमानस्थलमा अलपत्र पारिएको खबर पाएलगत्तै मन्त्री किराँतीले उनीहरुलाई लिन नेपाल वायुसेवा निगमको जहाज पठाएका हुन् ।

प्रकाशित मिति: मंगलबार, असोज ९, २०८० ११:५०