नेपालगन्जमा प्रथम मेयर कप खेलकुद प्रतियोगिता सुरु

खेलकुद

गृहपृष्ठ
खेलकुद
नेपालगन्जमा प्रथम मेयर कप खेलकुद प्रतियोगिता सुरु

नेपालगन्जमा प्रथम मेयर कप खेलकुद प्रतियोगिता सुरु

सोमबार, माघ २७, २०७६ बागेश्वरी पोस्ट

नेपालगन्ज ।नेपालगन्जमा प्रथम मेयर कप खेलकुद सुरु भएको छ । आजबाट नेपालगन्जको एमपी स्कुलको खेल मैदानमा रास्ट्रपति रनिङ्ग शिल्ड खेलाडी छनौट तथा माध्यमिक विद्यालय स्तरीय प्रथम मेयर कप खेलकुद प्रतियोगिता सुरु भएको हो ।

तिन दिनसम्म संचालन गरीने प्रतियोगिताको सोमबार जिल्ला समन्वय समिती बाँकेका संयोजक अजय कुमार श्रीवास्तवले उद्घाटन गरेका छन । प्रतियोगितामा नगरका सामुदायिक र निजी गरी कुल ३८ विद्यालयका खेलाडीहरुले भलिबल, एथलेटिक्स र कबड्डी अन्तर्गत विभिन्न विधामा प्रतिस्पर्धा गर्ने बताईएको छ । प्रतियोगिताको पहिलो दिन सोमबार विद्यार्थीहरुले आकर्षक मार्च पास प्रस्तुत गरेका थिए ।