त्रिकोणात्मक टी-२० सिरिज अन्तर्गतको पहिलो खेलमा हङकङविरुद्द खेल्दै नेपाल

खेलकुद

गृहपृष्ठ
खेलकुद
त्रिकोणात्मक टी-२० सिरिज अन्तर्गतको पहिलो खेलमा हङकङविरुद्द खेल्दै नेपाल

त्रिकोणात्मक टी-२० सिरिज अन्तर्गतको पहिलो खेलमा हङकङविरुद्द खेल्दै नेपाल

आइतबार, फागुन २७, २०८० बागेश्वरी पोस्ट

काठमाडौं । नेपालले आज त्रिकोणात्मक टी-२० आई क्रिकेट सिरिज अन्तर्गतको पहिलो खेल हङकङसँग खेल्दैछ । हङकङमा हुन लागेको त्रिकोणात्मक टी-२० सिरिजको पहिलो खेल आज बिहान नेपाली समय अनुसार सवा ११ बजे हुँदैछ ।

नेपाल, हङकङ र पपुवा न्युगिनीबीचको सिरिजको मैत्रीपूर्ण खेलमा नेपाल हङकङसँग शनिबार ७३ रनले पराजित भएको थियो ।

त्रिकोणात्मक टी-२० आई सिरिज अघि नेपालले हङकङसँग आज यो खेल खेल्दैछ ।

रोहित पौडेलले कप्तानी गरेको नेपाली टोलीमा कुशल भुर्तेल, विनोद भण्डारी (विकेट किपर), गुलशन झा, सन्दीप जोरा, आरिफ शेख, विवेक यादव, राशिद खान, करण केसी, सागर ढकाल, प्रतिश जिसी, लोकेश बम, आकाश चन्द, अविनाश बोहोरा रहेका छन् ।

हङकङ पुगेको नेपाली टोलीमा दीपेन्द्रसिंह ऐरी, कुशल मल्ल, सोमपाल कामी, आसिफ शेख लगायतका खेलाडीलाई समावेश गरिएको छैन ।

सिरिजको खेलका शीर्ष दुईमा रहन सके नेपाल फाइनल खेल्नेछ र नभए तेस्रो स्थानको लागि हङकङ 'ए' सँग बुधबार खेल्नेछ ।

प्रकाशित मिति: आइतबार, फागुन २७, २०८० ०७:५९