गण्डकीमा हरिबहादुर चुमानलाई अर्थ र दीपक मनाङेलाई भौतिक मन्त्रालयको जिम्मेवारी

राजनीति

गृहपृष्ठ
राजनीति
गण्डकीमा हरिबहादुर चुमानलाई अर्थ र दीपक मनाङेलाई भौतिक मन्त्रालयको जिम्मेवारी

गण्डकीमा हरिबहादुर चुमानलाई अर्थ र दीपक मनाङेलाई भौतिक मन्त्रालयको जिम्मेवारी

शनिबार, वैशाख ८, २०८१ बागेश्वरी पोस्ट

पोखरा । गण्डकी सरकारका मुख्यमन्त्री खगराज अधिकारीले बिना विभागीय मन्त्री हरिबहादुर चुमान र राजीव गुरुङ 'दीपक मनाङे' लाई मन्त्रालयको जिम्मेवारी दिएका छन् ।

गण्डकीको आज बिहान बसेको मन्त्रिपरिषद् बैठकले दीपक मनाङेलाई भौतिक पूूर्वाधार तथा यातायात मन्त्रालय र हरिबहादुरलाई आर्थिक मामिला मन्त्रालयको जिम्मेवारी दिएको हो ।

चैत २५ गते नेकपा एमालेका २२, सभामुखसहित माओवादी केन्द्रका ८ र स्वतन्त्र सांसद दीपक मनाङेको समर्थनमा मुख्यमन्त्री नियुक्त भएकै दिन अधिकारीले मनाङे र चुमानलाई बिना विभागीय मन्त्री नियुक्त गर्दै ३ सदस्यीय मन्त्रिपरिषद् बिस्तार गरेका थिए ।

चुमानले आइतबार मात्रै कार्यभार सम्हाल्ने बताइएको छ । अर्थमन्त्रीको जिम्मेवारी पाएका चुमान काठमाडौं रहेको हुँदा उनले आइतबारदेखि मन्त्रालयको जिम्मेवार सम्हाल्नेछन् । दीपक मनाङेले यसअघिको नेपाली कांग्रेसका सुरेन्द्रराज पाण्डे मुख्यमन्त्री हुँदा पाएको मन्त्रालय नै पाएका हुन् ।

प्रकाशित मिति: शनिबार, वैशाख ८, २०८१ १०:२९