अवैध तस्करी गर्न प्रहरीविरुद्ध सुराकी परिचालन

सुरक्षा-अपराध

गृहपृष्ठ
सुरक्षा-अपराध
अवैध तस्करी गर्न प्रहरीविरुद्ध सुराकी परिचालन

अवैध तस्करी गर्न प्रहरीविरुद्ध सुराकी परिचालन

आइतबार, वैशाख ३०, २०८१ बागेश्वरी पोस्ट

नेपालगन्ज । अवैध तस्करी गर्नका लागि सुराकी राखिएको पाइएको छ । तस्करहरुले भारतबाट अवैध तस्कर गर्न प्रहरीको निगरानी गर्न सुराकी खटाइका व्यक्ति नै पक्राउ परेपछि सो कुरा बाहिर आएको हो ।

कैलालीको धनगढी उपमहानगरपालिका-७ मनोहराका बुद्धिराम चौधरीलाई कैलाली प्रहरीले पक्राउ गरेपछि प्रहरीविरुद्ध नै सुराकी गर्ने गरेको रहस्य बाहिरिएको हो ।

तस्करहरुले उनलाई प्रहरीको स्थान र प्रहरीको गतिविधिका बारेमा निगरानी गर्न राखेका थिए । सो बापत उनले प्रत्येक पटक ५ सय रुपैयाँ पाउने गरेको प्रहरीले जानकारी दिएको छ । लामो समयदेखि प्रहरीले निगरानी उनलाई पक्राउ गर्न सफल भएको जनाएको छ ।

प्रहरीले उनलाई राष्ट्रसेवक कर्मचारीको काममा बाधा पुर्याएको कसुरमा मुद्दा चलाएको जनाएको छ ।

प्रकाशित मिति: आइतबार, वैशाख ३०, २०८१ ०९:४७

प्रतिक्रिया दिनुहोस्