श्रम तथा रोजगार सम्बन्धि सूचनालाई व्यापक बनाउनुस्ः मन्त्री अर्याल

राजनीति

गृहपृष्ठ
राजनीति
श्रम तथा रोजगार सम्बन्धि सूचनालाई व्यापक बनाउनुस्ः मन्त्री अर्याल

श्रम तथा रोजगार सम्बन्धि सूचनालाई व्यापक बनाउनुस्ः मन्त्री अर्याल

शुक्रबार, जेठ ४, २०८१ बागेश्वरी पोस्ट

नेपालगञ्ज । श्रम, रोजगार तथा सामाजिक सुरक्षा मन्त्री डोल प्रसाद अर्यालले श्रम तथा वैदेशिक रोजगार सम्बन्धि जानकारीलाई व्यापक बनाउन आग्रह गरेका छन् । आजदेखि कोहलपुरमा शुरु भएको रोजगार सेवा केन्द्रमा कार्यरत कर्मचारीको क्षमता अभिवृद्धि तालिमको उद्घाटन गर्दै मन्त्री अर्यालले यस्तो बताएका हुन् ।

"रोजगार संयोजक भनेको सूचना संवाहक हो । त्यसैले गाउँ गाउँमा सही सूचना दिएर ठगिनबाट जोगाउन र स्वरोजगार हुनका लागि आवश्यक सहयोग गर्नुस्," मन्त्री अर्यालले भने-"तपाईंहरुको उपस्थित अत्यन्तै महत्वपूर्ण छ । हामीले यस कार्यक्रमको ढाँचा परिवर्तन गरी तपाईंहरुलाई अझै जिम्मेवार बनाउन खोजेका छौं । आफ्नो जिम्मेवारीलाई इमान्दारिताका साथ पूरा गर्नुहुनेछ भन्नेमा म विश्वस्त छ ।"

श्रम मन्त्रालय अन्तर्गतको प्रधानमन्त्री रोजगार कार्यक्रमले लुम्बिनी प्रदेशका रोजगार संयोजकका लागि प्रशिक्षण तालिम शुरु गरेको छ । अन्तर्राष्ट्रिय श्रम संगठनको प्राविधिक सहयोगमा मन्त्रालयले तालिमको आयोजना गरेको हो । तालिममा लुम्बिनी प्रदेशका २०४ जना रोजगार संयोजकको सहभागीता रहेको छ । तालिम जेठ ७ गतेसम्म सञ्चालन हुनेछ ।

प्रकाशित मिति: शुक्रबार, जेठ ४, २०८१ २१:४६

प्रतिक्रिया दिनुहोस्