नरैनापुर अध्यक्ष कप खेलकुदमा जयकिसान मावि प्रथम

खेलकुद

गृहपृष्ठ
खेलकुद
नरैनापुर अध्यक्ष कप खेलकुदमा जयकिसान मावि प्रथम

नरैनापुर अध्यक्ष कप खेलकुदमा जयकिसान मावि प्रथम

शनिबार, फागुन १७, २०७६ बागेश्वरी पोस्ट

नरैनापुर(बाँके) । बाँकेको नरैनापुर गाउँपालिकामा शुक्रबारदेखि शुरु भएको नरैनापुर गाउँपालिका स्तरीय प्रथम अध्यक्ष कप रनिङ्ग शिल्ड खेलकुद प्रतियोगितामा जयकिसान मावि प्रथम भएको छ ।

छात्रतर्फको १५ सय मिटर दौडमा बाहेक सबै इभेन्टमा जयकिसान मावि प्रथम भएको हो । प्रतियोगितामा महेन्द्र मावि मटेहिया दोस्रो र आदर्श मावि लक्ष्मणपुर तृतीय भएका छन् । अनुशासनतर्फ भने आदर्श मावि उत्कृष्ट भएको छ । गाउँपालिकाका अध्यक्ष इस्तियाक अहमद शाहले प्रथम, द्वितिय तथा तृतीय स्थान हासिल गर्ने विद्यालय र विद्यार्थीहरुलाई शिल्ड प्रदान गर्नुभएको थियो ।

प्रथम र द्वितिय भएका खेलाडीहरुले जिल्लास्तरीय राष्ट्रपति रनिङ्ग शिल्डमा सहभागिता जनाउने जयकिसान माविका विद्यालय व्यवस्थापन समितिका अध्यक्ष बृजेन्द्र कुमार यादवले जानकारी दिनुभयो । वडा नम्बर ६ भोजपुरस्थित जयकिसान माविको प्रांगणमा सुरु भएको प्रतियोगितामा गाउँपालिकाभित्र रहेका तीन वटा माविका कक्षा ९ देखि १२ कक्षासम्मका विद्यार्थीहरुले भाग लिएका थिए ।

तीन विद्यालयका ८९ जना विद्यार्थी सहभागी प्रतियोगितामा १०० मिटर दौड छात्रछात्रा, २०० मिटर दौड छात्रछात्रा, लङ्गजम्प, हाईजम्प, कबड्डी, भलिबल लगायत १५ इभेन्ट सञ्चालन गरिएको थियो । प्रतियोगिताको बाँके क्षेत्र नम्बर १ का संघीय सांसद् महेश्वरजंग गहतराज अथकले उद्घाटन गर्नुभएको थियो ।

प्रकाशित मिति: शनिबार, फागुन १७, २०७६ २२:२८

प्रतिक्रिया दिनुहोस्