कोरोना भाइरस फैलिए देशमा स्वास्थ्य संकटकाल घोषणा गरिने:स्वास्थ्य मन्त्री

स्वास्थ्य

गृहपृष्ठ
स्वास्थ्य
कोरोना भाइरस फैलिए देशमा स्वास्थ्य संकटकाल घोषणा गरिने:स्वास्थ्य मन्त्री

कोरोना भाइरस फैलिए देशमा स्वास्थ्य संकटकाल घोषणा गरिने:स्वास्थ्य मन्त्री

सोमबार, फागुन १९, २०७६ बागेश्वरी पोस्ट

काठमाडौं । स्वास्थ्य तथा जनसंख्यामन्त्री भानुभक्त ढकालले कोरोना भाइरसको संक्रमणले महामारीको रूप लिए देशभर स्वास्थ्य संकटकाल घोषणा गरिने जनाउ दिनुभएको छ।

सरकारले सरकारी र निजी अस्पताललाई समेत कोरोनाबाट बच्न पूर्वतयारीका साथ रहन आह्वान गरी २ महिनादेखि ४३ बेड आइसुलेसन ठीक अवस्थामा राखेको छ।

यसबाट बच्न सीमा सुरक्षामा समेत विशेष ध्यान दिनुपरेकाले एयरपोर्टमा स्वास्थ्य परीक्षण डेस्क खडा गरी जनशक्ति बढाइएकाले अब जहाज चढ्नुअघि र जहाजबाट उत्रिएपछि स्वास्थ्य परीक्षण गर्ने वातावरण मिलाइएको जानकारी दिँदै मन्त्री ढकालले भन्नुभयो– ‘कोरोनाको संक्रमण भित्रिने प्रमुख कारण खुला सीमा हो, यसबाट बच्न सबैभन्दा पहिला सीमा सुरक्षामा ध्यान दिनुपर्छ, तातोपानी र रसुवागढी नाकामा निगरानीका लागि चिकित्सकको टोली खटाइएको छ भने प्रदेशसँग समन्वय गरी नाकामा निगरानी गर्ने व्यवस्था मिलाइएको छ।’

उहाँका अनुसार प्रधानमन्त्रीको निर्देशनमा उपप्रधानमन्त्रीको नेतृत्वमा थप अनुगमनको व्यवस्था गरिएको छ। ६० वटा मुलुकमा यसको संक्रमण फैलिई कतिपय मुलुकले घोषित÷अघोषित रूपमा उडान रद्ध गरेकाले भिजिट नेपाल २०२० का सम्पूर्ण कार्यक्रम स्थगित गर्ने निर्णय गरिएको छ।नेपाल समाचारपत्रबाट साभार।

प्रकाशित मिति: सोमबार, फागुन १९, २०७६ १०:०५

प्रतिक्रिया दिनुहोस्