लागूऔषध मुद्दामा पूर्व सांसद श्रेष्ठ पक्राउ

सुरक्षा-अपराध

गृहपृष्ठ
सुरक्षा-अपराध
लागूऔषध मुद्दामा पूर्व सांसद श्रेष्ठ पक्राउ

लागूऔषध मुद्दामा पूर्व सांसद श्रेष्ठ पक्राउ

शुक्रबार, भदौ २८, २०८१ बागेश्वरी पोस्ट

नेपालगन्ज । लागूऔषध बिक्री गरेको आरोपमा पूर्व सांसद ढाकाकुमार श्रेष्ठ पक्राउ परेका छन् ।

लागू औषधसहित पक्राउ परेका एक युवकले उक्त लागूऔषध श्रेष्ठको औषधि पसलबाट खरिद गरेको बताएपछि राष्ट्रिय स्वतन्त्र पार्टी (रास्वपा) का पूर्व सांसद श्रेष्ठलाई पक्राउ गरिएको जिल्ला प्रहरी कार्यालय कास्कीले जानकारी दिएको छ ।

३ साउनमा प्रहरीले रोल्पा घर भई पोखरा बस्ने ४२ वर्षका प्रकाश थापा मगरलाई लागू औषध ट्रुपाइनको ९७ चक्कीसहित पक्राउ गरेको थियो । उनले उक्त औषधि पोखरा महानगरपालिका–९ पृथ्वीचोकस्थित रहेको दिया फार्मेसीबाट खरिद गरेको भनेर बयान दिएका थिए ।

त्यसपछि उक्त फार्मेसीका सञ्चालक पूर्व सांसद ढाकाकुमार श्रेष्ठविरुद्ध जिल्ला अदालत कास्कीले पक्राउ पुर्जी जारी गरेको र बिहीबार प्रहरीले नियन्त्रणमा लिएको हो ।

राष्ट्रिय स्वतन्त्र पार्टीबाट समानुपातिक सांसद भएका श्रेष्ठले आफूलाई स्वास्थ्य मन्त्री बनाउन पार्टीको कोर टिमले तीन करोड रुपैयाँ मागेको भन्दै मेडिकल व्यवसायी दुर्गा प्रसाईंसँग गरेको सम्बाद बाहिरिएपछि विवादमा परेका थिए । उनलाई पछि पार्टीले कारबाही गरी हटाएको थियो ।

प्रकाशित मिति: शुक्रबार, भदौ २८, २०८१ ०६:३९

प्रतिक्रिया दिनुहोस्