कांग्रेस बाँकेले सम्झियो गणेशमान र सुवर्णलाईः दीप प्रज्ज्वलन र माल्यार्पण

राजनीति

गृहपृष्ठ
राजनीति
कांग्रेस बाँकेले सम्झियो गणेशमान र सुवर्णलाईः दीप प्रज्ज्वलन र माल्यार्पण

कांग्रेस बाँकेले सम्झियो गणेशमान र सुवर्णलाईः दीप प्रज्ज्वलन र माल्यार्पण

शनिबार, कात्तिक २४, २०८१ बागेश्वरी पोस्ट

नेपालगञ्ज । गणेशमान सिंहलाई त्याग र निष्ठाको प्रतिमूर्तिका रुपमा चित्रण गरिएको छ । नेपाली कांग्रेस बाँकेले आज नेपालगञ्जको सुर्खेतरोडस्थित गणेशमान चोकमा २०४६ सालका सर्वोच्च कमाण्डर, लौह पुरुष सिंहको ११०औं जन्मजयन्ति तथा संस्थापक नेता एवम् पूर्व प्रधानमन्त्री सुवर्ण शमशेरको ४८औं स्मृति दिवसको अवसरमा आयोजना गरेको दीप प्रज्वलन तथा माल्यार्पण कार्यक्रममा बोल्ने बक्ताहरुले सिंहले देखाएको बाटोमा अग्रसर हुन सके कांग्रेस र समग्र मुलुकले लक्ष्य हासिल गर्न सक्ने बताए ।

May be an image of 9 people and text

केन्द्रीय सदस्य मैकुलाल बाल्मिकीले नेपालमा प्रजातन्त्रको पुनर्बहालीका लागि सिंहको योगदान अतुलनीय रहेको बताए । सिंहको नेतृत्वमा भएको जनआन्दोलनको जगमा जनताका अधिकारहरु स्थापित भएको उनको भनाई छ । शमशेरको योगदान पनि पार्टीमा उच्च रहेको भन्दै बाल्मिकीले कांग्रेसजनले आफ्ना नेताहरुको पथ विर्सन नहुनेमा जोड दिए । कांग्रेस बाँकेका सभापति नारायणप्रसाद गौडेलले कांग्रेसले सिंह र शमशेरले देखाएको बाटोमा हिंडन सके लक्ष्य हासिल गर्न सकिने भन्दै राजनीतिमा त्याग, संघर्ष, निष्ठा र लगाबलाई नेताद्वयले प्रमाणित गरेर देखाएको चर्चा गरे । राष्ट्रिय सभा सदस्य एवम् कांग्रेस बाँकेका पूर्व सभापति युवराज शर्माले संस्थापक नेताहरुको मार्गदर्शन कांग्रेसका लागि पूँजी भएको बताए ।

May be an image of 12 people and text

सभापति गौडेलको सभापतित्वमा भएको कार्यक्रमको सञ्चालन सचिव सुधांशु कोइरालाले गरेका थिए । त्यस अवसरमा सभापति गौडेलले सिंहको शालिकमा माल्यार्पण गरेका थिए । स्वागत मन्तब्य उपसभापति गोपालप्रसाद अधिकारीले गरेका थिए । कार्यक्रममा कांग्रस बाँकेकी निवर्तमान सभापति किरण कोइराला, कांग्रेस लुम्बिनी प्रदेश सदस्य प्रमेश्वरी पाठक, संविधानसभा सदस्य अब्दुल हमिद सिद्दिकी (भोला), कोषाध्यक्ष यज्ञबहादुर बस्नेत, सहसचिवद्वय रेनु सिंह ठाकुर र विनोदकुमार थारु, प्रबक्ता डिल्ली गिरी, क्षेत्र नम्बर १ का क्षेत्रीय सभापति पोषण केसी, क्षेत्र नम्बर २ का सभापति रमेशकुमार गुप्ता लगायत नेता कार्यकर्ताको उपस्थिति रहेको थियो ।

May be an image of 8 people, temple and text

May be an image of 3 people and crowd May be an image of 9 people and text May be an image of 7 people, speaker, fog and monument May be an image of 6 people, temple and text