नेपाल पुलिसलाई छैठो प्रधानमन्त्री कप महिला भलिबलको उपाधी

खेलकुद

गृहपृष्ठ
खेलकुद
नेपाल पुलिसलाई छैठो प्रधानमन्त्री कप महिला भलिबलको उपाधी

नेपाल पुलिसलाई छैठो प्रधानमन्त्री कप महिला भलिबलको उपाधी

बुधबार, फागुन २१, २०७६ बागेश्वरी पोस्ट

नेपालगन्ज ।नेपाल पुलिसले छैठो प्रधानमन्त्री कप महिला भलिबल प्रतियोगिताको उपाधी उचालेको छ ।

नेपालगन्ज कबर्डहलमा आज भएको फाइनल भिडन्तमा डिफेन्डिङ च्याम्पियन शसस्त्रको एपीएफलाई तीन शुन्यको सोझो सेटमा हराउँदै पुलिसले उपाधी कब्जा गर्दै २ लाख नगदसहित मेडल र प्रमाणपत्र हात पार्‍यो ।

यो जित संगै नेपाल पुलिसले पिएम कपमा दुई संस्करणको उपाधी हात पारेको छ भने उपाधीमा ह्याटि्रक गर्ने एपीएफको सपना चकनाचुर भएको छ । फाइनलमा पुलिसले २५-१६, २५- १७ र २५- १७ को सोझो सोटमा एपीएफलाई स्तब्ध पारेको हो । उपबिजेता बनेको एपीएफले १ लाखमा चित्त बुझायो । यस्तै आजै भएको अर्को खेलमा न्यु डायमण्डलाई तीन शुन्यको सोझो सेटमा पराजित गर्दै त्रिभुवन आर्मीले तेस्रो स्थान हात पारेको छ ।

आर्मीले २५-२१,२५-२० र २५-२० को सेटमा न्यु डायमण्डलाई पराजित गर्दै तेस्रो हुदै ५० हजार प्राप्त गर्ने छ । बिजयी टिमलाई राखेपका सदस्य सचीव रमेश सिलवालले पुरस्कार र प्रमाणपत्र बितरण गर्नु भयो ।

जिल्ला खेलकुद संघ बांकेको आयोजनामा भएको प्रतियोगिता कोरोना भाइरसका कारण भारतीय टिम सहभागी नभएका कारण एक दिन अगाबै सकिएको हो ।

प्रकाशित मिति: बुधबार, फागुन २१, २०७६ १७:४७

प्रतिक्रिया दिनुहोस्