सामुदायिक बिधालयका विद्यार्थीसंंग उपप्रमुख चौधरी

समाचार

गृहपृष्ठ
समाचार
सामुदायिक बिधालयका विद्यार्थीसंंग उपप्रमुख चौधरी

सामुदायिक बिधालयका विद्यार्थीसंंग उपप्रमुख चौधरी

शुक्रबार, फागुन २३, २०७६ बागेश्वरी पोस्ट

कोहलपुर । कोहलपुर नगरपालिकाकी उपप्रमुख सञ्जु कुमारी चौधरी कोहलपुरका सामुदायिक विद्यालयहरुमा अन्तरक्रिया कार्यक्रममा तदारुकता साथ लागि परेकी छिन् ।

उपप्रमुख चौधरीले हप्ताको प्रतेक शुक्रबार सामुदायिक बिद्यालयमा अध्ययनरत विद्यार्थीहरुसँगको अन्तरक्रिया कार्यक्रमलाई तिव्रता दिईरहेकी छिन् । चौघरीले लेे आज वडा नं ३ मा श्री जनता माविमा विद्यार्थीहरुसँग अन्तरक्रिया गरेकी हुुुन् । कार्यक्रममा विद्यालयमा अध्ययनरत विद्यार्थीहरुले बालविवाह, शौचालय, विद्यालयका भवन लगायत विभिन्न समस्याहरु बारे उपप्रमुख चौधरीलाई बताए।

विद्यालयको गुणस्तरीय शिक्षाका लागि प्राविधिक शिक्षा, आवश्यक भौतिक संरचना निर्माण नहुँदा पढाइमा समस्या आईरहेको भन्दै राज्यले शिक्षाको सुधारका लागि स–साना कुरालाई प्राथमिकता दिनुपर्ने विद्यार्थीहरुले माग राखेका छन् । उपप्रमुख चौधरीले विद्यार्थीहरुका मागलाई सम्बोधन गर्नका लागि स्थानिय सरकारले विशेष नीति लिने भन्दै विद्यालयका समस्याहरुलाई समाधानका लागि कोहलपुर नगरपालिकाको आगामि आर्थिक वर्षको योजनामा समावेश गरिने प्रतिवद्वता जनाएकी छिन् ।

साथै विद्यालयमा बढ्दो क्रममा रहेको बालविवाहलाई न्यूनिकरण गर्नका लागि सचेतनामुलक कार्यक्रमहरुको आयोजना गरिने भन्दै दिँदै बालविवाह विरुद्व शिक्षक, विद्यालय परिवार, अभिभावक लगायत स्वयम् विद्यार्थी नै सक्रिय हुनुपर्नेमा जोड दिएकी छिन् । त्यस्तै विद्यालयको आवश्यक भौतिक संरचना निर्माणका लागि संघिय, प्रदेश र स्थानिय सरकार बिच सहकार्य गरी अगाडि बढ्ने उनले जानकारी दिएकी छिन् ।

कोहलपुर क्षेत्रको सामुदायिक विद्यालयको शैक्षिक विकास र गुणस्तरीय शिक्षाका लागि विद्यार्थीसँग उपप्रमुख कार्यक्रमको आयोजना गरिएको उनले बताएकी छिन् । विद्यालयमा देखिएका विभिन्न समस्याहरुलाई सामाधान गर्नका लागि विस्तृत योजना निर्माणमा आवश्यक पर्ने भएकाले सो अभिभायनलाई तिव्रता दिईएको उपप्रमुख चौधरीको भनाईरहेको छ ।

प्रकाशित मिति: शुक्रबार, फागुन २३, २०७६ १८:२८

प्रतिक्रिया दिनुहोस्