प्रादेशिक महोत्सवमा लोकप्रिय गायक पशुपतिले दर्शकलाई खुबै नचाए

अर्थ

गृहपृष्ठ
अर्थ
प्रादेशिक महोत्सवमा लोकप्रिय गायक पशुपतिले दर्शकलाई खुबै नचाए

प्रादेशिक महोत्सवमा लोकप्रिय गायक पशुपतिले दर्शकलाई खुबै नचाए

शुक्रबार, माघ १८, २०८१ बागेश्वरी पोस्ट

नेपालगन्ज । नेपालगन्ज उद्योग वाणिज्य संघको आयोजनामा नेपालगन्जमा जारी प्रादेशिक महोत्सवमा लोकप्रिय गायक पशुपति शर्माले दर्शकलाई खुबै नचाए । जाम भने जान्छेउ र माया, पोखरा फेवाताल घुम्नलाई...बोलको गीत गाउँदै स्टेज उक्लेका पशुपति शर्माले क्याम्पस पढ्न आउने..., क्यार्न माया मारिछौ सानीले...,सारङ्गी ¥याइ¥याई...लगायतका आफ्ना आधा दर्जन भन्दा बढी गीत गाएर दर्शकको माया बटुलेका थिए ।

कार्यक्रमका अन्तिम अथिति कलाकार शर्माले सांंगितिक कार्यक्रमको समापन लोक दोहोरी गायिका रुपा घर्ती मगरसँग लाइभ दोहोरी गाएका थिए । उनले लेजिड फस्ट भन्दै रुपालाई पहिले गीत गाउन भने । रुपाले लेजिड फस्ट हुन मानिनन् । भनिन्, ‘हुँदैन । पहिले भाले बास्छ दाई ।’ लोक पप गायक टंक तिमिल्सैनाले पनि नेपालगन्जमा आफूले पढेका दिन याद गर्दै दर्शकलाई नाच्ने बनाएका थिए । उनले मेरी चम्पा..., मन माया...र देउडा गाएर दर्शकलाई समूह समूहमा नाच्न बाध्य बनाएका थिए । कार्यक्रममा डान्सर अन्जु सुनारले मनमोहक नृत्य प्रस्तुत गरेकी थिइन् ।

साँस्कृतिक व्यवस्थापन समितिका संयोजक मख्खन बहादुर धामीका अनुसार महोत्सवको दशौं दिन शनिबार चर्चित गायक प्रकाश दूतराज, गायिका रचना रिमाल र डान्सर अञ्जली अधिकारीको प्रस्तुति हुनेछ ।

प्रकाशित मिति: शुक्रबार, माघ १८, २०८१ २१:५९

प्रतिक्रिया दिनुहोस्