महेन्द्र बहुमुखी क्याम्पस नेपालगञ्जमा नेविसंघबाट स्ववियु सभापतिमा भिड्दै रावल

राजनीति

गृहपृष्ठ
राजनीति
महेन्द्र बहुमुखी क्याम्पस नेपालगञ्जमा नेविसंघबाट स्ववियु सभापतिमा भिड्दै रावल

महेन्द्र बहुमुखी क्याम्पस नेपालगञ्जमा नेविसंघबाट स्ववियु सभापतिमा भिड्दै रावल

'हामीमाथि विद्यार्थी साथीहरुको भरोसा छ'

बिहीबार, फागुन २९, २०८१ बागेश्वरी पोस्ट

नेपालगञ्ज । नेपाल विद्यार्थी संघले महेन्द्र बहुमुखी क्याम्पस नेपालगञ्जको स्ववियु सभापतिको उम्मेदवारमा सन्तोष रावललाई अगाडि सारेको छ । रावलसंगै स्ववियु. सभापतिमा संयुक्त प्यानलका हरेन्द्र बहादुर विक, अनेरास्ववियुका केशरजंग शाह र समावेशी विद्यार्थी समूहबाट निशान थारुले प्रतिष्पर्धा गर्दैछन् ।

महेन्द्र बहुमुखी क्याम्पस नेपालगञ्ज स्ववियु निर्वाचन समितिको कार्यालयले आज उम्मेदवारहरुको अन्तिम नामावली प्रकाशित गरेको छ । यस्तै सचिवमा नेविसंघबाट सत्येन्द्र प्रसाद श्रेष्ठ, संयुक्त प्यानलका दिपेन्द्र केसी, अनेरास्ववियुबाट चिरञ्जिवी बुढा र समावेशी विद्यार्थी समूहबाट टेकराज कँडेल प्रतिष्पर्धामा छन् । कोषाध्यक्षमा पनि क्रमशः सिर्जना पौडेल, विष्णु कनौजिया, सुरेन्द्र रावल र महेश शर्माबीच प्रतिष्पर्धा हुनेछ ।

नेविसंघबाट उम्मेदवार बनेका रावलले आफूले नेतृत्व गरेको समूहमा समावेशी र जुझारु युवाहरु रहेकाले विद्यार्थीहरुको अपेक्षा र चाहना अनुसार काम गर्न सक्ने बताए । उनले नेविसंघले नै सबै विद्यार्थीको भावना बुझ्न सक्ने भन्दै मतदान गर्न आग्रह गरेका छन् । "विद्यार्थीहरुको सुखदुःखमा संगै रहेर निरन्तर काम गरेका छौं," रावलले भने-"पक्कै पनि उचित र सही मूल्यांकन गर्नुहुनेछ भन्ने उच्च मनोबलका साथ हाम्रो टिम चुनावी मैदानमा उत्रिएको छ, हामीमाथि विद्यार्थी साथीहरुको भरोसा छ ।"

प्रकाशित मिति: बिहीबार, फागुन २९, २०८१ १९:२३